影片
更多
2022-03-31
3233 浏览
由于工作关系，今日到访荔枝角一家长者服务中心，事后都要揾餐晏仔，所以，过嚟工厂区一带，先兜个圈，等过咗放饭嘅高峰时段。最后，嚟到「亿利」嘅「INN - I’m Not Nothing」，一来厂厦啲楼上铺无咁多人，二来年多前错到访过，知道其有番咁上下水准。无论门口，定室内，装修得都几骨子，一室以白为主调，放置咗啲罗马柱，又摆放唔少植物，挂上细细盏嘅水晶吊灯，整体感觉休闲。加上过咗饭市，成场都喺得一、两枱客，大家隔开啲坐，自己食得安心多啲。午餐嘅选择都唔少，由轻怡嘅到重肉感都有，共10款，定价由$88-$148，包餐汤及餐饮，但餐饮只限选$28以下，转饮其他嘅，就有半价优惠。此外，亦可以加配选项，如意粉、薯条、法式班戟。 是日餐汤今日喺南瓜忌廉汤，睇卖相已经好吸引，色泽鲜橙黄色，加上以忌廉拉咗少少花纹，确喺几赏心悦目。入口热焫焫，最怕啲餐汤不冷不热，而且，南瓜味颇突出，口感柔滑，做得相当具水准。 虎虾肉罗勒蒜辣扁意粉 $98拣咗一个中价位嘅蒜辣扁意粉，店员好细心，先问我食唔食得辣，因为，呢道意粉都几有辣劲，不过，佢话可以拣小辣或走辣，最后要咗小辣，辣度恰到好处，有点点辣劲，却喺点到即止，唔
无论门口，定室内，装修得都几骨子，一室以白为主调，放置咗啲罗马柱，又摆放唔少植物，挂上细细盏嘅水晶吊灯，整体感觉休闲。加上过咗饭市，成场都喺得一、两枱客，大家隔开啲坐，自己食得安心多啲。
午餐嘅选择都唔少，由轻怡嘅到重肉感都有，共10款，定价由$88-$148，包餐汤及餐饮，但餐饮只限选$28以下，转饮其他嘅，就有半价优惠。此外，亦可以加配选项，如意粉、薯条、法式班戟。
是日餐汤今日喺南瓜忌廉汤，睇卖相已经好吸引，色泽鲜橙黄色，加上以忌廉拉咗少少花纹，确喺几赏心悦目。入口热焫焫，最怕啲餐汤不冷不热，而且，南瓜味颇突出，口感柔滑，做得相当具水准。
虎虾肉罗勒蒜辣扁意粉 $98拣咗一个中价位嘅蒜辣扁意粉，店员好细心，先问我食唔食得辣，因为，呢道意粉都几有辣劲，不过，佢话可以拣小辣或走辣，最后要咗小辣，辣度恰到好处，有点点辣劲，却喺点到即止，唔会太呛，而且，意粉好有咬口，并充满蒜香；虎虾虽未喺好珍宝嘅级数，但鲜爽有鲜虾嘅甜味，去晒壳，方便食用。
鲜奶咖啡 +$19 上次试过佢啲鲜奶咖啡，印象中又喺水准之作，所以，今次都加多少少叹番杯。拉花本身几靓仔，虽然线条唔及上次咁幼细，但冲泡出嚟都好醇厚，咖啡嘅香味香浓得嚟带点果仁香气，饮得出口感均匀顺滑。
有时候，一个人静静哋用餐，沉思吓，感觉喺几唔错。尤其依家晌疫情下，好多活动都停咗，偶尔食餐好，都算喺为生活添加少少乐趣。
张贴
