麻布茶房 (已結業)

系君怡见完美国客,行过对面街见到麻布茶房,突然想食软雪糕,顺便系度开埋餐。通常只有星期六至会行尖咀,呢度通常人头涌涌,今日二点过后,人都无多个,如此宁静环境合晒我要求啦。午餐饮品又唔包括有软雪糕款式,改为散叫。霜淇淋咖啡:好大杯!!见到堆软雪糕已经好开心,睇落好似好少,其实咖啡下仲有一大团;味道好香滑,好重牛奶味,yummy!! 斋饮下咖啡,系唔甜既,甜味系全靠团雪糕,咖啡味都几香浓,真系斋饮都ok。茶房风烧鸡饭连配菜: 配菜有一小碗莲藕、魔芋片同一碗酸青瓜、红萝卜、豆芽。前者唔觉有什么味道,后者又唔酸,不过有d莲藕、青瓜爽爽地,食起饭黎无咁漏。木鱼汤好清,入面有几条蛋丝,清清地咁啦。烧鸡肉好热,味道甜甜地,正系我钟意既照烧汁味道,只可惜好少汁,如果多d汁就更好。饭面黄色既好似无壳绿豆,但唔肯定,沟埋d姜丝、紫菜丝,原来又几好味架㖞。可能今日人少关系,服务都好好,不过呢间分店都系时候换下座椅,因为见到好几张卡位都烂左,作为尖沙嘴游客区既食店,出现呢种情况唔系太好lu。