鳳凰茶苑 (已結業)

星期日系繁华既市中心中，突然想揾一个宁静既地方坐底放松一下，之后比我地揾到呢个茶庄可以坐底过一个舒适既下午。作为一个少品茶既朋友，黎到呢个地方，见到环境清雅，同时有整齐既地方可以泡一杯茶，即时将平时既忙碌同烦恼放低。由于系初次体验，叫左二人套餐，对于未接触茶艺同唔识选择既朋友系一个不错既套餐，包含左密云龙大红袍同埋玫瑰或者菊花既选择，我地拣左菊花，感觉温和啲。店员好细心教我地基本既冲茶技巧，帮我地开茶之后就可以自己慢慢冲泡同品尝，见到佢有萤光幕播紧简单既冲茶同焗茶等技巧，讲真令我地都有好奇心想学习一下。讲返个茶，大红袍系多次冲泡中会有不停既茶味变化，令人好有冲动一直冲泡落去睇下有冇唔同既体会，之后我地试过加入菊花（外行人系会DIY一下）发现头两泡有好大菊花味，但之后会慢慢有味道既融合。整体黎讲，系呢到可以过到一个休闲既下午同时又可以学习一下冲茶同饮茶既乐趣。店员会细心协助，最后同唔完既茶点同茶花都会帮忙打包，非常推荐想忙里偷闲既你。最后比想学习既朋友一啲资料，呢到有茶艺班由体验班到2-4堂既课程都有得选择，听讲黎紧1月20号仲有音乐茶会，我认为都不失一个好既休闲节目。