影片
更多
2019-03-03
205 浏览
之前听朋友介绍油麻地有间餐厅好有风格，于是就同另一半去试下。慢理墙城，餐厅个名大玩「食字」，已经令我印象好深刻。餐厅位于酒店既1楼，一入到去成个格局都好田园feel，布局设计简约，墙身舖满绿草、配合木摆设，予人一种清新又自然的感觉。除咗餐厅布局，餐具亦甚有特色。特别嘅美工图案刻系碟上，配合金色餐具，带有不少欧陆色彩；而提供既水更会呈现唔同既颜色，明明系同一个壶斟出黎，都可以有一杯系蓝色一杯系紫色，好有惊喜。除咗餐厅名，最估佢唔到系连菜式名都可以大玩「食字」同创意，好似「慢落猪」、「枣，姨妈驶乜惊亅、「樱花树下的忽发奇想亅等等，令人有种心思思嘅感觉，好想知生动名字背后，究竟系咩葫芦卖咩药！我地分别点咗一杯(伪)队返杯黑啤同埋士多啤梨杂苺乳酪。(伪)队返杯黑啤仿真度极高，啤酒杯、顶层既泡泡，你以为系啤酒咩？但入口系啖啖嘅巨峰提子蜜桃红茶，甜度适中，十分清凉。士多啤梨杂苺乳酪，实为一杯沙冰，冰感十足，冻到另一半嘅敏感性牙齿都发作，但仍然保持好丰富既士多啤梨同乳酪味。最值得推介必定系我俩点嘅小食同主菜：芝士黑松露焗薯条同埋明太子蟹肉意粉。千万唔好以为小食就好细份！芝士黑松露焗薯条份量十足，满满
之前听朋友介绍油麻地有间餐厅好有风格，于是就同另一半去试下。慢理墙城，餐厅个名大玩「食字」，已经令我印象好深刻。餐厅位于酒店既1楼，一入到去成个格局都好田园feel，布局设计简约，墙身舖满绿草、配合木摆设，予人一种清新又自然的感觉。除咗餐厅布局，餐具亦甚有特色。特别嘅美工图案刻系碟上，配合金色餐具，带有不少欧陆色彩；而提供既水更会呈现唔同既颜色，明明系同一个壶斟出黎，都可以有一杯系蓝色一杯系紫色，好有惊喜。
除咗餐厅名，最估佢唔到系连菜式名都可以大玩「食字」同创意，好似「慢落猪」、「枣，姨妈驶乜惊亅、「樱花树下的忽发奇想亅等等，令人有种心思思嘅感觉，好想知生动名字背后，究竟系咩葫芦卖咩药！
我地分别点咗一杯(伪)队返杯黑啤同埋士多啤梨杂苺乳酪。
(伪)队返杯黑啤仿真度极高，啤酒杯、顶层既泡泡，你以为系啤酒咩？但入口系啖啖嘅巨峰提子蜜桃红茶，甜度适中，十分清凉。
士多啤梨杂苺乳酪，实为一杯沙冰，冰感十足，冻到另一半嘅敏感性牙齿都发作，但仍然保持好丰富既士多啤梨同乳酪味。
最值得推介必定系我俩点嘅小食同主菜：芝士黑松露焗薯条同埋明太子蟹肉意粉。
千万唔好以为小食就好细份！芝士黑松露焗薯条份量十足，满满既黑松露，满满既芝士，配合恰到好处；再额外加埋茄汁更加系一种新颖嘅食法。
明太子蟹肉意粉颜色卖相同味道都十分吸引：蟹子、蟹肉、芝士碎，辅以忌廉汁，味道浓郁，每一条意粉都沾满左明太子酱汁，又蕴藏住海鲜既鲜味，yummy！
可能始终系cafe形式，而且枱与枱之间都保持一定既空间距离，即使坐无虚席但成个感觉都好舒服。总括而言，餐厅既环境宁静，装饰亦十分精致，加上餐具配套别出心裁，价钱合宜，让我同另一半过左一个优闲、舒适既晚上。
张贴
