外灘拾號 (已結業)

队长唔系上海人, 但超钟意食上海菜, 外滩拾号系姐姐介绍的, 如果唔系附近返工/住, 唔会知有呢间靓装上海菜, 入到去都几宁静, 可能系星期日同埋时间早啦, 所以人唔多.基本上, 一般上海菜馆有既佢都有, 比较好食/特别既, 我会推介马兰头百页结, 一般马兰头都系切碎, 捞埋百页结碎, 但其实马兰头既味道唔系人人钟意, 好似唐莴甘, 而呢到用百页结将马兰头卷埋, 一啖一旧, 容易食之余, 都容易入口, 特别系好怕食马兰头既人.宁波猪寸骨, 烧得干身, 果个酱都好入味, 而且留番个尾, 拎住食都好方便~生煎包, 唔知点解系香港食既生煎包都好似个叉烧包甘, 个包皮厚到吓死人, 呢到未必做到上海果种甘正宗, 不过包皮起码唔系劲厚, 而且里而旧肉都多肉汁~豆沙窝饼, 红豆都多, 而且唔会煎到油林林~坦白讲, 佢既上海菜唔系正宗果种, 不过环境好, 服务都唔错, 如果星期日一家大细要去市区同人迫, 又食到赶头赶命, 不妨去下长沙湾呢D工业/商业区揾食, 食得自在D~