Cafe Hillywood (已結業)

原来喺我工作地方附近有间咁正嘅cafe，多得朋友带我黎，可以喺忙碌工作后坐低慢慢倾，唔洗俾人赶 （笑）入到cafe系好开扬的，设计简约，好宁静嘅感觉，值得一提系啲櫈坐得好舒服，唔会un住patpat的。蟹肉他他卖相好精致，除左蟹肉，仲有牛油果，蕃茄等，夹埋一齐食增加口感，蟹肉味劲浓，值得推介，缺点就系。。。份量有点细。本来为左海胆意粉而黎，但唔好彩地冇海胆，取而代之系将海胆变成凡立贝，意粉嘅汁系一样的，讲到意粉口感系我中意嘅，唔会太un，每条面都充满左酱汁，不过估唔到凡立贝代替海胆嘅份量只有一粒，老实说有点小器吖，整体黎讲我觉得普通意粉一碟啰。最后叫左炸鱼薯条，伴自家制鳗鱼汁，学朋友话斋，个汁有特色但唔特别，其实唔系好食得出个汁有鳗鱼（爆）至于炸鱼系ok嘅，外脆内软而且鱼肉冇炸到干哂，幼薯条食下一条食下又一条，系外脆内软好味嘅，相比蟹肉他他 & 意粉，呢碟份量大好多，最后仲要食唔哂添。朋友坚决唔俾我饮冻野，叫左呢个杞子菊花蜜糖热饮（佢餐牌个名我唔记得左）菊花清香，加上蜜糖非常滋润，系唔错嘅选择喔！总括而言，呢间cafe系倾计谈心好地方，好舒适，而且唔会有压迫感，虽然食物唔算得上最好味，