Alternative Cafe

营业中

休息中

返工对得繁华闹市多，有时都需要唞一唞气。晏昼搞晒啲私人事务，出咗去佐敦突破书廊，享受心灵片刻嘅安静。突然间觉得有啲颈渴，发现角落处有咖啡室，陈列嘅蛋糕又几吸引，最终点咗个茶餐一尝。朱古力咖啡芝士蛋糕，主要材料配搭得合宜，口感香浓层次亦分明，加上制作时落咗冧酒，食落唔会太甜或过腻。饮品方面选择算颇多，食家对柠茶情有独钟，当然唔会拣其他嘢啦......服务生待客极之友善，堂食使用不锈钢饮管，减低咗对环境嘅污染，呢样我实在非常欣赏。下次如果有时间再嚟，定必试吓啲招牌咖啡。