影片
更多
2010-09-12
16 浏览
湾仔三里屯大型翻新，令到不少餐厅要另觅位置继续营业，其中Pomme de Terre数个月前开始，转战到湾仔今年人气极盛嘅食肆商厦QRE Plaza，并易名为W28 Steak House。其实心目中想去众多新店中，W28一早已列入名单中，今日总算有机会到访试菜，食完后不单止令我有相逢恨晚感觉，亦令我即时想执笔介绍俾大家...当到达9楼打开电梯门时，已见到萤光蓝色餐厅嘅招牌挂在米色的石墙上，而入内见到左边嘅深啡色墙身几幅素描画，右边嘅落地红酒柜，加上天花吊著闪烁嘅水晶灯，如此典雅装修，心入面不禁对呢间牛扒屋质素增添多一点憧憬...呢度嘅午餐由八十几至百几蚊都有，同样系先前菜后主菜再加餐饮嘅基本组合，当大家感觉到呢度嘅舒适环境，就知价钱相当合理；点餐后侍应随即送上微暖嘅面包篮，外脆内软好好味，而且仲可以Refill添...菠菜忌廉汤口感幼滑，香浓好味，可见制作上绝不马虎。听闻呢度洋葱汤同龙虾汤相当唔错，有机会一定要再来试一下。前菜选择左法式芝士焗田螺，而送到桌面时竟然系一份感到陌生嘅田螺。以往熟悉嘅系埋在薯蓉堆嘅连壳田螺，眼前所见系一碗香喷喷嘅蕃茄芝士浓酱，去壳田螺肉记忆中有6至7粒，混
当到达9楼打开电梯门时，已见到萤光蓝色餐厅嘅招牌挂在米色的石墙上，而入内见到左边嘅深啡色墙身几幅素描画，右边嘅落地红酒柜，加上天花吊著闪烁嘅水晶灯，如此典雅装修，心入面不禁对呢间牛扒屋质素增添多一点憧憬...
呢度嘅午餐由八十几至百几蚊都有，同样系先前菜后主菜再加餐饮嘅基本组合，当大家感觉到呢度嘅舒适环境，就知价钱相当合理；点餐后侍应随即送上微暖嘅面包篮，外脆内软好好味，而且仲可以Refill添...
菠菜忌廉汤口感幼滑，香浓好味，可见制作上绝不马虎。听闻呢度洋葱汤同龙虾汤相当唔错，有机会一定要再来试一下。
前菜选择左法式芝士焗田螺，而送到桌面时竟然系一份感到陌生嘅田螺。以往熟悉嘅系埋在薯蓉堆嘅连壳田螺，眼前所见系一碗香喷喷嘅蕃茄芝士浓酱，去壳田螺肉记忆中有6至7粒，混上酱料后极之好味，如果唔系要顾及table manner的话，一定拎起个碗，大啖大啖将所有浓酱倒入口中...
主菜要美国西冷扒，虽然我因小误会而错叫7成熟，幸见厨师控制火候相当好，薄薄嘅西冷扒就算7成亦烧得相当唔错...呢份西冷牛扒虽然唔系炭烧，亦唔系高级嘅DA，但睇卖相都已经对办。外边焦黑，内里嫩红，食落肉汁丰盈，咬落松化而且肉味浓厚，而带点筋位肥脂部份软滑无比，口感极为精彩，以一份百几蚊嘅牛扒餐来计，绝对系超额完成。
食完美味牛扒后再来一份甜品实在是最好不过嘅句号，而价钱上只系多加$15，这个句号相当值得。首先系香橙奶冻，奶味香浓，口感亦够滑溜，橙味酱汁亦系意料之外的好，说老实话，好多甜品店亦做唔到呢个水准...
另一款甜品就系朱古力慕丝，份量够晒大杯，朱古力迷见到定必爱死。食落口感虽然幼滑细腻，但略嫌朱古力浓度未够，简单来讲就系未够Dark，不过都总算唔错。唯一令我有点遗憾，就系o今次食唔到拿破仑饼作为甜品，希望下次有机会试到...
整体黎讲，W28无论价钱同质素都属水准之上，而且午餐经济实惠，相当抵食。至于呢度嘅晚餐SET由二百几至一千蚊不等，丰俭由人，有多款餐汤前菜甜品作选择，配合埋宁静舒适环境，绝对值得推介俾大家黎呢度Fine Dining！
张贴
