雲蝶 (已結業)

经过大围见到有间好靓而且新开嘅cafe就走入去睇下有咩食，叫咗西班牙墨汁海鲜饭、软壳蟹黑松露野菌忌廉意粉，另外嗌咗份云蝶特色薯蓉，系吞拿鱼碎蛋味，同埋叫咗一杯香桃果香茶，个西班牙墨汁海鲜饭超香，炒得每一粒饭都沾满墨汁而且上面铺满带子、鱼籽、青口、同埋大虾，十分丰富，每一啖饭都炒得好香值得推介。而软壳蟹黑松露野菌忌廉意粉系原只软壳蟹上，炸得甘脆可口而且不失入面软壳蟹嘅鲜味，好好味，意粉加上忌廉同埋野菌食，令到人好开胃，黑松露就可以提升意粉嘅味道多一个层次。特色薯蓉就卖相非常特别，绝对系打卡之选，因为佢会连埋一个雪糕筒上，而蕃蓉嘅味道加埋碎蛋同埋吞拿鱼一齐食，估唔到原来咁夹，香桃果香茶就畀人一种暖在心头嘅感觉，而且果香味好浓，下次有机会呢云蝶，我一定会试埋其他味嘅特色薯蓉。