海灣餐廳 (已結業)

年初五未开工，同老公入南丫岛逛逛。一落船都已经一点几，好肚饿，即刻去揾野食。入离岛都系想chill下，所以想揾间望住海景嘅西餐厅，行过好几间都唔太合心意。waterfront舖面唔喺当眼位，系我望见佢块黑色指示牌，我地就行入小巷，一行一小巷已经闻到好香嘅印度咖哩味！店内装修都几舒服，我地揾个望住海嘅位置坐低。我地点左一份夏威夷薄饼同burger and chips 。其实我想点Indian food，但老公呢排唔食得辣野，好可惜。Pizza都系普通d，芝士太多，食到有d腻，最后都食唔哂⋯Burger and chips系超正！一切开个burger系劲多肉汁涌出黎，块汉堡排好juicy，肉嫩，配埋酱、紫洋葱、蕃茄、生菜，真系有惊喜！薯条都好香口，条条连住薯皮，越多薯皮果d越好食！叹返杯伯爵茶，真系一个悠闲下午😌埋单两个人加埋$213，算唔错啦！