Chalet (已結業)

最近喺荃湾报咗兴趣班，星期六上完堂就决定喺度食埋夜晚个餐。加上为咗庆祝纪念日，所以揾咗间高级少少嘅西餐厅试下。可能系夜晚食得早嘅关系，餐厅唔算好多人，安排左我哋坐近窗边嘅位，环境几清幽写意。-半打生蚝伴随生蚝嘅有三款酱料，虽然肉质唔算特别肥美，但生蚝味道几新鲜，海水味较浓郁。-龙虾汤汤底比较稠身，龙虾味道十分厚重，咸香十足。由于唔太肚饿嘅关系，所以只系嗌左一个Dinner set。包括是日餐汤、头盘、主菜同是日甜品。是日餐汤类似平时饮到嘅忌廉汤，质感唔会太稀，但味道亦未至于好浓郁。-头盘：半熟吞拿鱼伴三文鱼子吞拿鱼半生不熟，口感特别。配上沙律酱及鲜味三文鱼子，开胃非常。-主菜：美式烧烤酱猪肋骨配薯条，火箭菜沙律猪肋骨略嫌肉质过瘦，不过胜在有冶味烧烤酱搭救。薯条本身已有调味粉，单食都好香口。-是日甜品：面包布甸同平时食到嘅面包布甸都几唔同，口感较实在，蛋香突出。另外仲叫多咗杯苹果汁，不过味道唔算好特别所以就唔详细评论啦。值得一赞嘅系店员嘅服务态度几好，时刻留意住食客用餐情况。好迅速咁收碟同安排菜式，亦会询问下客人餐后感。