C.O.W. Dining (已結業)

最近慢煮开始愈来愈HIT, 我当然要去试下啦!!!呢到既晚餐有2种: 3道菜同5道菜可供选择!大厨先送左一道小食俾我地 – 威化饼上放了与蕃茄同青瓜混合既芝士,感觉清新,为一阵既晚餐掀起序幕。头盘: 杂冻肉碟配慢煮苹果及黑醋汁沙律 同 芒果虾沙律配挪威烟三文鱼及慢煮红菜!慢煮苹果口感仍保持苹果爽口,质感实在在貌似雪梨,味道比平时食更加浓厚香甜。配以涷肉,减去油腻感之余带出肉既香味,赞!!!汤:野菌忌廉汤,每一口都有大量野菌充斥口腔中,混合忌廉令口感浓郁细滑,爱菌之人既首选!!!我特别要推介呢到既蓄茄清汤,平时既我对蓄茄汤既好感度不大。但呢到既蓄茄清汤鲜甜无比,最大既特点就系: 蓄茄汤色系好清澈却有着好浓厚既蕃茄味道,真值得尝试!!!Pasta: 自制牛肝菌云吞配芝士及义式青酱忌廉汁 同 墨鱼汁介子海鲜云吞配龙虾汁云吞皮厚度刚刚好,配上牛肝菌同云吞上既Ricotta Cheese,口感十分好而且所有既材料混合既味道配合得好好。而个个墨鱼汁介子海鲜云吞都唔错,墨鱼汁既云吞配以新鲜既海鲜,鲜味十足。终于到左主菜啦,我地拣左慢煮挪威三文鱼柳配粉红胡椒白酒忌廉汁 同 慢煮美国牛肋条配法式红酒汁。