C1 Café Bistro (已結業)

对佐敦区嘅cafe一向都印象不错, 而呢间C1 Cafe环境同样舒适, 适合同朋友一边谈天、一边享受精致美食。各人先黎一杯饮品, 冰冻蜜桃茶感觉非常清新天然, 解渴, 而且仲真材实料, 跟鲜蜜桃、椰果一同享用, 非常适合夏日品尝。而意式即磨咖啡香味极浓, 配上热腾腾嘅鲜奶, 极具诚意。我地所叫嘅Set Dinner除左附属餐饮之外, 亦跟随一客餐汤: 龙虾汤质地浓稠, 入口颇有层次, 而且虾味浓郁, 感觉不错。接著有香煎虎虾沙律柠檬醋汁: 虎虾煎过之后, 味道香盛, 而虾肉质感弹性, 配上酸酸既柠檬醋汁, 令沙津菜及虾肉味道更胜一筹。主菜时间, 芝士菠菜忌廉汁扁意大利粉: 芝士汁质感唔会太稠, 但味道仍然足够。弹牙嘅意粉、菠菜及香茹跟忌廉汁非常合拍, 即使份量再大, 我地亦可以轻松应付!另外再叫左一份BBQ酱烧猪肋骨: 猪肋骨肉厚, 亦都松软易嘴馋, BBQ酱亦都调较得出色, 味道唔会太浓。粗身嘅炸薯条亦好好食, 唔会太干身!最后有一客焦糖果仁斑戟配云呢拿雪糕。果仁脆口, 斑戟松软易入口, 雪糕涂抹于斑戟上吃, 三位一体, 滋味非常。