影片
更多
2024-12-28
473 浏览
带住小狗去沙田玩，入到去新城市广场揾食，咁就当然要揾间好味又舒服嘅宠物友善餐厅，最后就跟好友嚟到ZEN by Tera 食个日式与西式嘅Fusion午餐。铺面嘅日红彤彤日式灯笼已经够吸睛，餐厅内以和木系布置，令人感觉舒服亦带点点禅意。午市套餐跟沙律、味噌汤或$42以下嘅饮品，仲可以用优惠价加配甜品，都好抵食。好友就叫左个美国安格斯牛月见蛋丼饭配味噌汤，整个饭面铺满左烧香嘅安格斯牛，中间配上橘黄色嘅生蛋黄，望住已经好吸引。搅拌后日本米饭沾上满满蛋黄酱汁再配上安格斯牛肉肉质软腍，口感味道一绝。我就来一客灸烧鲭鱼丼配LATTE，首先感觉条鲭鱼劲大条又烧得好靓，卖相已经满分。而炙烧鲭鱼肉质紧致细嫩而且完全冇鱼腥味，鱼皮煎到好香，而鱼肉有鲭鱼嘅香味，所以唔错。LATTE都唔错，浓郁醇厚嘅咖啡再加埋滑顺嘅鲜奶，两者夹得好好，啱我口味。刨冰可以话系必食之选，我地套餐可以优惠价加配一个迷你版，所以我地就分别叫左抹茶刨冰同杨枝甘露刨冰，咁一次过可以试到两个味道。两种口味嘅卖相非常吸引，话就话迷你版系一人份量，但其实佢份量都唔少嘅。先嚟抹茶刨冰，佢个抹茶味道非常浓郁，而刨冰嘅口感非常绵密，每食一啖都充满着
铺面嘅日红彤彤日式灯笼已经够吸睛，餐厅内以和木系布置，令人感觉舒服亦带点点禅意。
午市套餐跟沙律、味噌汤或$42以下嘅饮品，仲可以用优惠价加配甜品，都好抵食。
好友就叫左个美国安格斯牛月见蛋丼饭配味噌汤，整个饭面铺满左烧香嘅安格斯牛，中间配上橘黄色嘅生蛋黄，望住已经好吸引。搅拌后日本米饭沾上满满蛋黄酱汁再配上安格斯牛肉肉质软腍，口感味道一绝。
我就来一客灸烧鲭鱼丼配LATTE，首先感觉条鲭鱼劲大条又烧得好靓，卖相已经满分。而炙烧鲭鱼肉质紧致细嫩而且完全冇鱼腥味，鱼皮煎到好香，而鱼肉有鲭鱼嘅香味，所以唔错。
LATTE都唔错，浓郁醇厚嘅咖啡再加埋滑顺嘅鲜奶，两者夹得好好，啱我口味。
刨冰可以话系必食之选，我地套餐可以优惠价加配一个迷你版，所以我地就分别叫左抹茶刨冰同杨枝甘露刨冰，咁一次过可以试到两个味道。两种口味嘅卖相非常吸引，话就话迷你版系一人份量，但其实佢份量都唔少嘅。
先嚟抹茶刨冰，佢个抹茶味道非常浓郁，而刨冰嘅口感非常绵密，每食一啖都充满着抹茶嘅茶香，再配埋上层奶盖芝士同埋入面嘅红豆同小丸子，增添了整体嘅口感。
另外杨枝甘露刨冰同样好味，刨冰质感绵密，而杨枝甘露汁亦唔会太甜，同样上层有芝士奶盖，入面亦有烟韧小丸子同埋新鲜芒果肉及西柚粒粒，带出唔同嘅味觉层次。
张贴
