Lockeroom Zoom Football Restaurant (山頂廣場) (已結業)

最近天气愈来愈热，放狗的地方变得愈来愈少，突然间心血来潮不如上山顶行下，又有冷气，又可以轻轻行山，两只野有街街去不知几开心．太耐无上山顶原来而家大部分餐厅都写住欢迎宠物，真好窝心，我地行左去一间足球主题的餐厅，之前都食过类似的主题餐厅，但今次呢个系唔单止支持一个球会，哈哈，虽然作为利迷，见唔到利物浦的展览品有少少失望，但望到其他球会的展览品真系英国读书感觉返哂黎。间餐厅成个场感觉好舒服，有露天位置但真系太热，餐厅都容许宠物坐室内地方，实在抵赞！食物方面我地太肚饿的关系叫左两个Burger再加一份薯条，因为大头虾无见到原来Burger本身已经跟薯条，哈哈！不过唔紧要啦，松露酱薯条好好食，出面有好多所谓的松露酱得少少，呢到有足够的份量俾你点。Burger黎讲叫左和牛鹅肝汉堡同埋冰岛虾堡，虾堡有芥末酱夹埋台湾凤梨系吸引的，块虾仲好大块添。但和牛鹅肝汉堡吸引啲，因为够 Juicy，已经叫左少酱都好Juicy。最后我地仲有个苹果金宝芝士蛋糕，呢个几特别，苹果金宝脆脆夹埋芝士饼，又唔会漏ｗｏ，你见我地食左咁多薯条都仲食得落就知啦！