浪人日本料理 (已結業)

M佬工干第一晚，屋企煮面食；M佬工干第二晚，买咗个面包食；M佬工干最后一晚，我决定对自己好啲，今晚就去中环兰桂坊觅食！唔好谂多咗，我嘅觅食意思系揾间fine dine食好西，对自己好啲先得！食我最钟意嘅日本菜 － 浪人日本料理。枝豆一坐低店员就送上枝豆，同平时食开嘅唔同，呢个枝豆经过调味同微煮，除咗有微香嘅蒜味，仲有清香嘅酱油味。寿司今日选择咗四款寿司：三文鱼、帆立贝、牡丹虾、吞拿鱼腩。三文鱼嘅鱼脂味十足；帆立贝就够晒弹牙，仲好胶口；牡丹虾就成只手掌咁大只，虾肉好鲜甜，极富弹性，鲜爽无比；至于食到我哗哗声就系呢碟吞拿鱼腩，鱼脂分布鲜明，而且够晒新鲜，仲有入口即熔嘅感觉！季节鱼刺身呢度嘅海产主要由东京筑地空运到港，因为受到季节同时令嘅影响，所以每星期嘅刺身都唔一样，而今晚嘅选择，好多款我听都未听过，但最令我味觉喜爱嘅就系金目鲷同黑陆，鱼味够晒鲜浓，真系好想encore再encore！味噌豚肉锅至于主菜嘅选择就系豚肉锅，豚肉系选用五花腩，但就一啲都唔肥，只系得近皮有少少脂肪，食落唔油腻，肉质够嫩，至于汤底味道清清哋，唔会太浓，食完又唔会话好口喝！