智寶星親子餐廳

营业中

休息中

呢间位于马鞍山we go mall嘅亲子餐厅， 地点非常唔方便，要坐的士来。 去过几间亲子餐厅，呢间算系大。采光度高，有自然光，感觉非常舒适。座位嘅分隔都有一点距离。 侍应对小朋友好友善 ，设施对于年纪细嘅小朋友都几多嘢玩。采用最低消费成人$180，再加一，一个时段三个钟， 目前只开星期五六日。 最低消费可以点餐抵偿。 所以我都无欲无求，$180当系入场费，食物免费， 咁样谂会开心啲。食物真系不值一提，我叫咗个海南鸡饭，啲鸡系好嚡，入唔到口。啲饭系冻而且粒粒都系咁硬。 小朋友绝对食唔到，好顶胃㗎。炸物正常，通常炸物都唔会点出事。埋单嘅时候超混乱，因为三个钟内要离座。我见到前面好多人都投诉食物质素。 有啲人太迟点餐，等咗一个几钟都未有食物就要离座， 最后侍应帮佢哋打包食物同埋送咗啲果汁。其实都嚟咗几次，食物水准keep到一如以往都系咁差。净讲食物我会畀负评👎🏻，但系so far小朋友玩得开心。 如果当系揾个地方俾小朋友放电，家长饮杯咖啡食炸薯条， 我比好评👍🏻打个和，呢间餐厅我畀中评。