越旺美食 (裝修中)

旧舖执咗之后，新铺又搬远左。加上经常Work from Home，好少出大角咀。喺大角咀放工，个心啰啰挛劲想食咖喱炒饭。但系落劲大雨，本来想打消念头直接返屋企。点知落到街佢即刻停雨，即系注定要我过嚟买。嚟到新店见佢啲价钱同以前都有段距离，但系实在太耐冇食，点都要豪一豪。原来而家加鸡扒要加多$20 ，咁加多$9要买杯红豆冰刚刚好$100。个红豆冰唔似得出边咁会死甜，同埋啲豆煮得好腍，不过外卖就细杯咗少少。以前用发泡胶盖而家嘅话转咗胶盒望落去好似细盒咗，但系Pat出嚟嘅话个份量都几足够鸡扒就感觉上被以前厚咗。急不及待试咗一啖咖喱炒饭，有少少失望，失望嘅位系冇以前咁辣，下次食嘅时候要堂食再加多少少咖喱，个镬气都系够嘅。