民華餐廳 (已結業)

工作关系，成日要出街，好多时都系自己一个人午餐。已经一段时间冇帮衬呢间，今日行下行下就走左入去。 再度好平常咁点咗个常餐。 身为牛肉痴嘅我一定要点牛肉，个天灰朦朦，我就口淡淡，所以叫左蕃茄汤底，亦即系鲜茄牛肉通粉，再配我极爱嘅午餐肉、炒蛋同厚多士。佢哋嘅蕃茄汤底是鲜甜的，系鲜蕃茄嘅味道，牛肉软软仲沾满蕃茄汤嘅甜味，补充番我所需要嘅维他命💃🏻一个常餐，炒蛋同多士都系主角，而呢间民华同旺角果间一样，始终都可以保持水准。厚身多士外皮脆口热辣辣，中间软绵绵，涂满一层厚厚嘅牛油，再放埋蛋香味十足嘅炒蛋上去一齐食，𠮶一啖层次丰富嘅口感，为我的寻常下午增添左无限动力，战斗力足以挨到星期五💪🏻💪🏻💪🏻😂😂😂