孖寶發哥豬扒酸辣米線

营业中

休息中

之前食过一次孖宝发哥既蕃茄薯仔汤真系觉得好正，酸甜比例啱啱好，蕃茄味又够浓，薯仔仲要煲到上晒色超入味。不过食第二次，个汤唔知点解清左好多，唔知系咪所有同事一齐叫蕃茄汤，chur 晒佢煲汤加水之过。今日单拖黎食，比第三次机会佢。叫左手撕鸡蕃茄汤乌冬（$37), 手撕鸡份量唔算多，不过几入味无雪味就唔错。几钟意佢配料够多，大量花生，葱同埋芫茜都几香。不过今次个蕃茄汤唔知点解劲甜。。甜到好唔蕃茄，真心好失望，最初食果个味道揾唔番，点解！不过乌冬几入味既，薯仔都好食，只系揾唔番我爱既感觉。