東方素

营业中

休息中

食肉兽食得肉多，都会累。今日停一停，谂一谂，去一去东方素。东方素个份禅意，同我食开肉嘅凡人有强烈嘅对比，可以等我沉一沉殿，恬一恬息。咁难得黎食斋，所以全部叫哂招牌菜。招牌蜜丝咕噜肉，宜家嘅斋菜已经做到出神入化，有肉嘅灵魂，但又有素食嘅精髓，特登咬开一半俾大家睇。蜜丝咕噜肉令一食再食，因为个蜜丝真系好有趣，好fushion，抵佢做招牌。招牌蜜汁叉烧，健康的肥叉，冇肥叉嘅肥膏，又有肥叉嘅口感，重点佢唔系肉，食几多都唔会太担心，味道好够，又有口感。招牌咕噜肉同叉烧就当然出色，几乎每枱都会朝圣，因为食落去冇味精，但又有应有嘅味道，都系第一次食到呢种感觉。特别钟意个份禅意，侍应个份热情，菜式个份用心，坐一坐，吹一吹水，又一个愉快的晚上。