蘇記(茶檔)

营业中

休息中

早排上港式奶茶体验班个师傅提过呢间地道茶档，今日终于有机会试吓～非常传统嘅排档经营，系巷仔一行延伸嘅木折台木折櫈别具一番风味。排档嘅分工非常显浅易明，一位师傅负责煮面同熟食，另一位师傅负责冲茶饮品，两个人负责楼面，一个清洁洗碗，十分有效率！一场嚟到梗系要试佢杯热奶茶啦！师傅用好传统铁饼炉暖住个茶底，收到order就纯熟咁先加黑白奶，后再撞茶咁完美完成一杯港式奶茶。奶茶口感幼滑，茶底唔系好浓，唔会涩，略嫌差少少回甘。再叫左个招牌猪扒米，煎香嘅猪扒切开有成5块，食晒都几饱肚！夜晚大雨过后条巷难免有水渍，卫生就一般啦，但咁先系原汁原味。