影片
更多
2014-05-17
3277 浏览
小弟家住美孚，曾几何时都有一间「上海婆婆」，其实质素都唔差，装修又够时尚，不过，最后都结咗业；亦曾经帮衬过牛头角道淘大商场嘅「上海婆婆」，仲记得一大班人食得好滋味添。今回老友吹鸡叫开饭，地点喺嚟尖沙咀国际广场嘅「上海婆婆 336」，知道佢喺「上海婆婆」嘅副线，针对年轻朋友，当然好有兴趣啦。又再次掹住食友衫尾，小弟就老实不客气，多谢老友请客！查实都未嚟过上海婆婆336，嚟到先知咁唔同，一反传统老派沪菜店嘅格局，若非门口有大大个招牌，否则都可能以为自己揾错地方。餐厅嘅用餐区以环形设计，正正中间喺厨房，近门口左边嘅卡位似足西餐厅，而近门口另一列吧位已够晒有型，继而再进入大厅，不规则花纹地砖搭水泥地、水泥墙身、钨丝灯胆、木枱木椅，怀旧得嚟型格唔老套。最意外喺晌尖沙咀依啲黄金地段，枱椅排得一啲都唔密，所以，坐落轻松舒服。主餐牌印刷精美，分门别类有齐冷菜、汤类、豆腐、河海鲜、猪牛、鸡鸭、小炒蔬菜、饭面、手造拉面、点心、甜品及饮品，选择过百款，可谓一应俱全。除咗有列明一啲「本店推介」，等大家减少选择困难，仲有一啲「辛辣」提示，而部分菜式又有图片以供参考，确实喺依家对食肆嘅要求。虽然，上海菜嘅基本特点
查实都未嚟过上海婆婆336，嚟到先知咁唔同，一反传统老派沪菜店嘅格局，若非门口有大大个招牌，否则都可能以为自己揾错地方。餐厅嘅用餐区以环形设计，正正中间喺厨房，近门口左边嘅卡位似足西餐厅，而近门口另一列吧位已够晒有型，继而再进入大厅，不规则花纹地砖搭水泥地、水泥墙身、钨丝灯胆、木枱木椅，怀旧得嚟型格唔老套。最意外喺晌尖沙咀依啲黄金地段，枱椅排得一啲都唔密，所以，坐落轻松舒服。
主餐牌印刷精美，分门别类有齐冷菜、汤类、豆腐、河海鲜、猪牛、鸡鸭、小炒蔬菜、饭面、手造拉面、点心、甜品及饮品，选择过百款，可谓一应俱全。除咗有列明一啲「本店推介」，等大家减少选择困难，仲有一啲「辛辣」提示，而部分菜式又有图片以供参考，确实喺依家对食肆嘅要求。虽然，上海菜嘅基本特点为汤卤醇厚、浓油赤酱、糖重色丰，但现今讲求健康之下，又喺针对年轻人市场，所以，菜式晌味道上都略作调校！
等候上菜时，再细看餐枱纸，始知道「336」嘅意思，仲以为好似阿信屋个代号喺股票「冧吧」，啊！原来喺上海话嘅谐音「谢谢侬」，即喺多谢你咁解，明白晒！
冷菜足足有22款，一般都喺细细份，对下几款冷菜都属「本店推介」，除咗个醉鸡皮唔够爽，其他嘅都做得相当出色，几款都值得推介，而最得欢心就喺个熏蛋，超正！无锡脆鳝 $88
黑掹掹嘅脆鳝卖相一啲都唔讨好，佢唔止丑，仲「心灵」脆弱，一咬估唔到脆鬼到卜卜声，真喺跟平时食鳝嘅口感完全两回事；再用糖醋做个汁，件件脆鳝都挂满汁，沉厚酸香，上佳嘅开胃冷菜。
冰镇醉黄油鸡 $72何止「冰镇」，直情「霜降」！晌醉鸡面放上一层碎刨冰，未食已感到凉透心。食嘅时候，醉鸡份外冰凉清爽，加上酒香淡雅，入肉三分。不过，仍有改进地方，味道相对咸咗少少，而鸡皮亦未够爽。
芹香小木耳 $48木耳本身好爽脆，入口有少少醋香，又带少少日本芥辣味，一啲唔呛喉或攻鼻，点到即止；至于内里嘅西芹粒，觉得点缀大于实际。
鱼籽烟熏蛋 $16 / 只卖相实在一流，蛋黄金黄，半凝半黏，加上点点黑鱼籽及一小片薄荷叶作装饰，份外诱人。熏蛋有轻轻烟熏味，蛋黄柔滑凝香，溏心效果出众，一半配黑鱼籽食，蛋香中有份咸鲜，另一半配薄荷叶食，浓郁里有份清爽，好食唔在讲，味道富特色！
砂窝腌笃鲜 $32位 / $98例汤类以腌笃鲜较实惠，汤底奶白，但饮落咸香，内有五花腩、金华火腿、百页结、小棠菜、竹笋，腩肉及火腿吊起成个汤嘅味道，而竹笋切得大旧，特别爽脆。
11款河海鲜类中，拣嚟咸香虾球及松子黄鱼，虽然唔喺「本店推介」，但做得不俗。咸香虾球 $122
咸香菜式一向好啱小弟，加埋配合大海虾，超啱心水啦。睇落应该喺一道唔太复杂嘅菜式，大海虾泡油后再加咸蛋黄炒，简单得嚟味美，虾鲜肉爽，咸蛋黄惹味咸香，最欣赏喺个咸蛋黄浆做得薄薄一层，仲带点酥脆口感。
松子黄鱼 $158黄鱼嘅鎅花唔算好分明，但淋上橙红嘅甜酸茨汁，其实已经好吸晴。黄鱼外皮都几酥脆，鱼肉亦几柔嫩，茨汁甜酸细致，虽然菠萝喺罐头货，松子仁及青豆都喺装饰多，但整体而言，做得唔错嘅菜式。
河海鲜类都食得满意，咁猪牛、小炒蔬菜类又如何呢？开心果露笋炒牛肉粒 $88
初头有啲担心，露笋炒牛肉粒应该几好，但加开心果好似唔太夹。最后出嚟个效果唔嗻话好差，亦唔讲得有惊喜，其实。脆口嘅露笋粒，配搭埋嫩滑牛肉粒，食味已经不俗；开心果带点咸香，但口感唔喺脆，又唔喺腍，有少少烟韧咁样，感觉有啲唔知点！如果真喺要加啲果仁类嘅嘢，老套啲嘅炸腰果唔知会唔会效果好啲呢？所以，作为「本店推介」菜式，个人觉得有啲落差！
野生椒牛仔肉 $75不愧喺「辛辣」菜式，睇个样都已经吓得吓，实际上就真喺唔止靠吓，辣劲鲜明。牛仔肉非常细嫩，入口柔滑，惹味刺激，尝辣嘅老友更加唔好错过。之后点咗个葱花家常薄饼，夹埋啲牛肉食认真唔错㖞！
干煸四季豆 $62四季豆干煸得够干身，最满意喺四季豆仲保持一定爽口，加有少少肉末、中芹粒，口感丰富咗，又喺另一惹味之作。
饭面及手造拉面类亦有好多选择喔，前者有10款，后者更多，有成15款，想饱肚垫底，梗有一款啱你合味。黄金炒饭 $68
「黄金」喺嚟自黄姜粉，唔单止炒得粒粒金黄好睇，兼且有朕朕黄姜香，朋友仲话黄姜具活血及止血功效，所以个饭既好食，又有营；此外，仲加入虾仁、牛展粒、咸蛋黄同炒，饭粒又分明，意外咁好食。
嚟到食上海菜，又点可以唔试吓啲沪式点心，一口气试咗4款，非常满足！336小笼包 $32 / 4只
折纹及收位都似模似样，而皮薄有得你睇，一眼就望到小笼包内荡漾嘅汤汁。热辣辣赶快食，一夹无黐底，原来垫咗一薄片萝卜，好细心呀！小笼包内汤汁果然丰满，猪肉馅又打得松化，唔沾醋食都OK。
阿苏大笼包 $30依个珍宝呎吋嘅「大」笼包，叫嚟都志在见识多，大大个大笼包，汤汁一样满载，店员教路正确食法应该先用饮管饮晒啲汤汁，再慢慢食得包。我哋贪得意试吓夹唔夹得起佢，师傅果然手工到家，皮依然搓得薄，但夹起嚟又唔易穿。
葱花家常薄饼 $52 / 4件除葱油饼，仲有依款葱花家常薄饼， 即叫即做，所以送上枱时热辣辣。家常薄饼比起葱油饼薄身，我估大概喺葱油饼厚度嘅1/3，柔韧中带点松脆，饼内混入满满葱花，葱香十足。再加埋一大片野生椒牛仔肉，别有风味！
青花椒汤云吞 $45 / 8粒小弟觉得个云吞虽然唔喺重点，但皮滑肉香，手功唔差；个花椒汤反而喺高潮所在，汤头睇落几清，入口微辣，随之而来就喺花椒嘅麻香，一阵阵令条脷有点发麻嘅感觉，过瘾有趣嘅味道。
最后嘅甜品时间，香蕉高力豆沙唔少得，又有小弟心水嘅南瓜饼，反而个冻什果酒酿丸子本著一试心态嚟试吓。香蕉高力豆沙 $42 / 4个
虽然一客4个，但亦可以要求加码，较具弹性，多一个就额外俾多$12啊！粉团炸得涨涨，入口非常软绵绵，内里夹杂香蕉与豆沙，清甜滋味。
南瓜饼 $38 / 4个同样可额外加码，亦以豆沙作为馅心，不过，份量比起做高力豆沙为多，豆沙又绵又沙。而南瓜饼饼身其实又唔喺好重南瓜味，反而，做得挺身，烟糯唔黏牙，质感唔错。
冻什果酒酿丸子 $28酒酿丸子食得多，店家都有卖，同样$28一碗，不过，冻嘅仲要加什果印象中应该第一次，明显针对后生仔嘅搞作。夏天食又几唔错，清清凉凉，又有点酒香及桂花香，多咗什果，无咁单调，只喺嫌丸子好似煮得未够透！
正所谓睇戏食饭、食饭睇戏，一喺睇完戏先食饭，一喺就食完饭跟住睇场戏，楼上就有间戏院，拎住当日戏飞嚟食饭，有9折，咁个逻辑喺咪应该先睇场戏，跟住落嚟上海婆婆度食饭呢！
环境舒服咗，菜式精致咗，服务又到位……为嘅都喺不断寻求突破，传承之间，都让更多后生一辈认识上海菜，「婆婆」，336啊！
张贴
