掌壽司 (已結業)

临近圣诞，好多地方都做紧大减价优惠。观塘嘅骆驼漆大厦都唔例外，上网见几间运动铺都有靓优惠就拉埋老死过黎执返几只。行到夜晚就直接系呢度开埋餐，费事走来走去。行经掌寿司见个秋之盛好吸引就决定系店开餐，分量同价钱与朋友SHARE食啱啱好。前菜吉备奈子与八爪鱼足一齐摆盘，造型觉得好靓。除左八爪鱼脚，仲有少见嘅八爪鱼吸盘。吉备奈子又名丁香鱼，因为保鲜困难平时食开鱼干零食为多。但今餐食到新鲜嘅刺身真系一个惊喜。银白相间而又雪亮透明嘅鱼肉，细细一片都已经鲜味十足。蘸上醋味噌来吃，酸酸甜甜又凉爽，非常开胃。八爪鱼脚同吸盘肉质爽脆有弹性，再三咀嚼之下咸鲜味更出。宫城珍珠蚝虽然细细只，但都饱满厚身，入口鲜甜回甘味长。加上冰得够冻瑶柱位好爽口。十贯寿司。摆设简单，拖罗及赤身以金箔点缀，更显贵气。与友人分享刚刚好。拖罗布满油脂雪花，未食已经令人流晒口水。因为鱼肉上界上细密格网，所以入口加速溶化，咀嚼下满口油香而且鲜嫩肉质清甜非常。赤贝即系同大家食潮州菜时会遇到嘅蛳蚶属同一类，只不过系大小有别。贝肉用上蝶切法做成蝴蝶形状，食落质感柔软甘甜中略带涩味，味道在几款寿司中算浓郁。海胆寿司口感软棉幼滑，浓香甘甜味道入口