良鮨壽司

营业中

休息中

大埔不嬲都出名多野食，日本野都多，而今次系因为朋友推介黎食~ 环境都几阔，位置算系几易揾，系大街个边! 寿司类既选择都几多，我地叫左火灸芝士蟹棒，鳗鱼，玻璃虾，帆立贝，火灸帆立贝，火灸三文鱼，芝士蟹籽军舰同埋腐皮寿司。火灸系列真系几唔错，烧得好香! 火灸三文鱼仲保留到三文鱼既油脂，又唔会烧到过左龙。食材都食得出系好新鲜，加上我地住吧台，仲可以望到寿司师傅切鱼生~ 鳗鱼牛油果卷都好好食，呢个配搭本身就唔会输! 朋友仲大赞呢到既鳗鱼好好食，好厚肉! 蟹膏蟹肉手卷好足料，咬落啖啖都食到D料而唔系得饭! 厚烧玉子甜甜地，几好食。吉列紫薯饼好惊喜! 炸得岩岩好，紫薯好甜~ 唐扬鱿鱼须都好食~好香但又唔会炸物厚~感觉仲好岩配酒!