影片
更多
2017-03-04
1602 浏览
近年元朗成为专食厨师发办嘅高质日本料理店集中地，呢日就去试试三间之中比较新嘅寿司源。店舖晌人流比较少嘅地方，环境清幽。入面只有大约十多个吧台位，空间感十足。另一边就系一排酒柜，摆放多种日本酒。晌市区食厨师发办最少要千几一位，而呢度嘅午市时段就只系三百同五百，前者主要食寿司，后者就除咗寿司之外，仲有刺身、烧物、煮物等等，鱼类款式会因应时令季节而转换。呢次试咗五百𠮶款，店员先送上前菜同茶碗蒸，茶碗蒸嘅蛋蒸得滑溜，当中仲有其他配料如冬菇、帆立贝、鸣门卷等等。师傅询问过有无特别唔钟意食嘅食材之后，就会晌食客面前炮制刺身同手握寿司，佢逐一将唔同嘅食材拼埋一齐，原本空空如也嘅碟变得丰富起嚟，当中有渍萝卜、木鱼味噌蒜同山葵淮山，木鱼味噌蒜味道香甜，山葵淮山黏滑，同埋有微微嘅辛口感。鲷鱼刺身，切得透薄均匀。师傅话可以蘸特制嘅酱汁一齐食，入面有萝卜蓉同葱花，食落酸甜。油甘鱼刺身，分别系下腩同上腩，外观上睇色泽略有不同，口感方面一件嘅质感较爽、另一件就更有油香。池鱼刺身，加咗葱花、姜蓉同山葵，可以夹埋小小嘅紫菜片一齐食，味微辣偏重。帆立贝矶边烧，帆立贝厚而肥大，表面搽咗酱油，烧得外香内弹牙，用紫菜夹住食，
近年元朗成为专食厨师发办嘅高质日本料理店集中地，呢日就去试试三间之中比较新嘅寿司源。店舖晌人流比较少嘅地方，环境清幽。
入面只有大约十多个吧台位，空间感十足。
另一边就系一排酒柜，摆放多种日本酒。
晌市区食厨师发办最少要千几一位，而呢度嘅午市时段就只系三百同五百，前者主要食寿司，后者就除咗寿司之外，仲有刺身、烧物、煮物等等，鱼类款式会因应时令季节而转换。
呢次试咗五百𠮶款，店员先送上前菜同茶碗蒸，茶碗蒸嘅蛋蒸得滑溜，当中仲有其他配料如冬菇、帆立贝、鸣门卷等等。
师傅询问过有无特别唔钟意食嘅食材之后，就会晌食客面前炮制刺身同手握寿司，佢逐一将唔同嘅食材拼埋一齐，原本空空如也嘅碟变得丰富起嚟，当中有渍萝卜、木鱼味噌蒜同山葵淮山，木鱼味噌蒜味道香甜，山葵淮山黏滑，同埋有微微嘅辛口感。
鲷鱼刺身，切得透薄均匀。
师傅话可以蘸特制嘅酱汁一齐食，入面有萝卜蓉同葱花，食落酸甜。
油甘鱼刺身，分别系下腩同上腩，外观上睇色泽略有不同，口感方面一件嘅质感较爽、另一件就更有油香。
池鱼刺身，加咗葱花、姜蓉同山葵，可以夹埋小小嘅紫菜片一齐食，味微辣偏重。
帆立贝矶边烧，帆立贝厚而肥大，表面搽咗酱油，烧得外香内弹牙，用紫菜夹住食，当中仲加咗少少山葵，非常惹味。
生甘海老寿司，虾肉明亮，上面仲有火炙过嘅虾膏。入口无想像中浓郁，反而几鲜甜，寿司饭就软糯烟韧。
北寄贝寿司，平时常见嘅红色北寄贝系已经煮熟嘅模样，而呢件就系呈褐紫色嘅活北寄贝，食落好爽口。
深海池鱼寿司，几有咬口。
鲭鱼寿司，师傅表示鱼味开始愈来愈浓，所以就转用赤醋饭，仲巧妙咁加咗葱蓉，既香口又可以提味。
喜之次寿司，表面经火炙过，入口时鱼油四溢，顶层嘅萝卜蓉就可以减一减腻感。
松叶蟹寿司，师傅话上面晶莹剔透嘅系蟹醋啫喱，撕成丝状嘅松叶蟹肉入口松化，鲜甜而有啲微酸。
太刀鱼雪见煮，鱼皮烧得香脆，鱼肉之下系爽弹虾胶，捞埋萝卜蓉正好有中同作用。
大吞拿鱼腩寿司，入口即化，令我感到好满足。
三文鱼子寿司，师傅特意洒上现磨柚子皮，咸香中带几分清新。
马粪海胆寿司，个人觉得海胆系继榴梿之外另一种极端食物，钟意嘅人好钟意，唔钟意嘅人好唔钟意，无中间点。当日嘅海胆呈橙黄色，同紫菜一齐放入口中，质感creamy，鲜味重之余aftertaste持久，味道讨好。
大葱油甘鱼手卷，紫菜非常脆口，鱼肉香口感爽，细细地份量啱啱好。
味噌汤，作为一碗餐后汤品都唔错。
柚子雪葩，酸酸甜甜咁几消滞。
张贴
