奧壽司

营业中

休息中

今次食呢间日本餐厅食物种类好多，除左有寿司刺食外仲有好多选择，想轻食啲嘅有小食、沙律、串烧，饱肚啲嘅亦有乌冬、拉面、炒饭同锅物，一应俱全！我就点左一个特上寿司盛合、忌廉香蒜酒煮蚬、小食拼盘、烧牛舌、饺子鸡翼、蟹粥同梅酒。小食拼盘岩晒我呢个有选择困难症嘅人，可以试到四样小食前菜，鱿鱼同芥辣八爪鱼送酒一流！之后串烧同寿司都好快到，当然要食热食先啦！厚切牛舌烧得好香，食落弹牙好味！而饺子鸡翼酿左满满嘅肉，肉汁丰富！到寿司喇！有我最爱嘅海胆，好新鲜完全无腥味，入口非常creamy！带子同虾都大大只又爽甜，而其他鱼生色泽都好新鲜有水份，唔会干争争，唔错！餐厅有清酒煮蚬同忌廉香蒜酒煮蚬可选择，而我就拣左后者，蚬肉大粒饱满，份量亦不少，仲有块蒜蓉包，用黎点埋剩下嘅忌廉汁，正！而最后黎嘅蟹粥非常惊喜，不单止有一只三点蟹，仲有两三片海胆，令个粥非常鲜甜！其实个粥嚟嘅时候我地已经饱饱地，但系真系好好食所以最后清晒，好满足嘅一餐！