Green Common (將軍澳中心) (已結業)

将军澳都开左Green Conmon喇虽然全间餐厅都系素食 但又食得几饱㖞！台式鲁肉饭 $62有少少失望！因为之前喺美食展食过佢地既汉堡扒系做得超似架，但呢个食落完全吾似肉既味道，好彩口感做得吾错。入面有啲卤水豆腐同半只卤水蛋，卤得够入味。饭混合左红米，感觉好健康，而且软硬度煮得啱啱好，带点烟韧但唔知系咪因为系素食，餐厅怕口味太淡，所以捞左好多卤水汁，每一啖都系有卤水汁嘅踪影，所以整体味道系偏咸。咖哩三宝(配面) $69呢个辣得来带点甘甜，但整体落到都系高嘅，入面有杏鲍菇、鱼蛋、萝卜。散买就$4x一份，个面都系$4x，依家配埋面都系$69。我觉得最出色既系个鱼蛋，食落真系有鱼味，口感又似，但其实系素食！见到入面好似有啲豆腐既成份。个面系豆乳汤面，汤底豆乳味突出，但个面就无咩味，亦都唔挂汤，所以整体就系无味！可能又系要衬返个重口味既咖喱三宝，所以个面超清淡！好彩面质都够烟韧，口感吾错。未来疯味包 个馅系混合左素汉堡扒嘅肉碎同菜甫本身都充满期待架！因为之前系美食展食过佢地既素汉堡扒系好似牛肉！但系呢个变左肉碎之后，就无左𠮶种感觉！可能佢酱汁落得太多，已经盖过晒佢一切味道，所以整体都系偏咸。