影片
更多
2024-05-05
107 浏览
今次嚟到将军澳海边嘅一间食黎巴嫩菜嘅海景餐厅，佢外部用咗好多鲜艳嘅马赛克吊灯做装饰。而内部就用咗蓝白色为主嘅地中海风格同蓝白色图案嘅马赛克灯做装潢，环境阔落而且舒适，好适合情侣拍拖，朋友聚会同一家人聚会👨👩👧👦，绝对系将军澳海滨必到餐厅！🌟烤红椒核桃蓉 (Muhammara)佢系一种用烤红椒、核桃、面包碎打碎成泥状，再加柠檬汁同橄榄油制成嘅酱，用嚟配玉米片或者Pita Bread食用。食落酸酸甜甜又香脆，感觉就好似食Nachos咁，不过Muhammara就比较酸同埋Fresh啲，而呢个酱都同Pita Bread几夹。🌟香烤哈罗米芝士哈罗米芝士系一种由羊奶制成嘅芝士，而佢烤完之后，无论系外观上定口感上，都好似普宁豆腐咁，带少少烟韧感。食落唔会有膻味得嚟带有咸香同奶香，而且爽口弹牙，算系有少少出乎意料。🌟黎巴嫩鸡肉卷呢碟菜系用咗厚鸡肉去包住米饭，再加蕃茄蓉同蔬菜伴碟嘅一道主菜。鸡肉口感比较腍，而鸡肉嘅油脂融入米饭入面，令米饭香口得嚟，整体都唔会觉得油腻。而炒饭就有混入少量提子干🍇同杏仁片，单吃炒饭可能会觉得比较湿，但配埋鸡肉🍗却会觉得刚刚好！🌟蜂蜜芝士焦糖饼唔好比呢个菜式既中文名呃到
🌟烤红椒核桃蓉 (Muhammara)
佢系一种用烤红椒、核桃、面包碎打碎成泥状，再加柠檬汁同橄榄油制成嘅酱，用嚟配玉米片或者Pita Bread食用。食落酸酸甜甜又香脆，感觉就好似食Nachos咁，不过Muhammara就比较酸同埋Fresh啲，而呢个酱都同Pita Bread几夹。
🌟香烤哈罗米芝士
哈罗米芝士系一种由羊奶制成嘅芝士，而佢烤完之后，无论系外观上定口感上，都好似普宁豆腐咁，带少少烟韧感。食落唔会有膻味得嚟带有咸香同奶香，而且爽口弹牙，算系有少少出乎意料。
🌟黎巴嫩鸡肉卷
呢碟菜系用咗厚鸡肉去包住米饭，再加蕃茄蓉同蔬菜伴碟嘅一道主菜。鸡肉口感比较腍，而鸡肉嘅油脂融入米饭入面，令米饭香口得嚟，整体都唔会觉得油腻。而炒饭就有混入少量提子干🍇同杏仁片，单吃炒饭可能会觉得比较湿，但配埋鸡肉🍗却会觉得刚刚好！
🌟蜂蜜芝士焦糖饼
唔好比呢个菜式既中文名呃到（👧🏻就系比佢呃咗🤣），佢既英文名系Kunefe，用上Kudayif呢一种貌似米粉既碎宵小麦饼🫓，煮时混入大量牛油🧈、糖浆、蜂蜜、白芝士而压成既甜品。焦糖饼入口非常香脆，甜味突出。配埋满满云尼拿籽既云尼拿雪糕，洒在碟边既开心果碎，呢个甜品绝对为呢餐饭画上完美句号。
张贴
