金鳳大餐廳 (新都城中心三期)

营业中

休息中

同朋友去将军澳新都城行下，之后去咗锯扒，金凤大餐厅系将军澳有分店，当然要去食返餐。餐厅环境整洁舒适，主打西式扒餐。所有扒餐都包括餐汤和指定饮品。餐汤可选罗宋汤、忌廉汤。忌廉汤浓稠适中，口感丝滑醇厚。甜餐包松软，涂上牛油又香又好味。扒餐用牛形铁板热辣辣盛载上枱，再由店员倒入由客人自选嘅黑椒汁或蒜蓉汁，铁板上立即发出沙沙的声音，香气扑鼻，令人垂涎三尺。鸳鸯扒餐系鸡扒和猪扒，香煎鸡扒外皮脆口，内里多汁，猪扒食落有口感，配搭黑椒汁，非常惹味。香煎猪扒餐加蒜蓉：落单时店员推介加2蚊可以加生蒜蓉，味道会更香，果然！煎得香口嘅猪扒，除咗有惹味嘅黑椒外，仲多咗蒜香味，喜欢蒜味嘅朋友赞口不绝。想食饱啲可以加$18要茄汁意粉，意粉都炒得好香，茄汁酸酸甜甜，越食越开胃。餐茶冻柠茶：喝起来酸酸甜甜，最为解腻。亦可加$18叫特饮，其中雪糕红豆冰有啖啖的红豆香，加上顺滑浓郁的淡奶和一球云呢拿雪糕，增加不少口感层次。