禮記 (已結業)

难得放假就入将军澳揾屋企人之后就一齐去donki 行街行完见有啲肚饿我哋就喺附近揾嘢食屋企人钟意食中餐最后选择呢间餐厅食晚餐。一坐低侍应就会问你想饮边款茶我就选咗玫瑰荔枝味，入口好清香带有大有荔枝香味同少少甜味。酸甜大海虾脆面一上枱大家都非常之惊讶因为成个造型十分特别非常适合打卡，对筷子好似凌空挂起左啲面咁好得意，当你影完晒相之后侍应就会帮你剪碎啲面同埋林啲酸甜汁上去，免头有五只大虾全部都大大只啖啖肉，成个面嘅份量非常之大足够三至四人分享，啲面条咬落趣不不非常香口配埋啲酸甜酱汁食好开胃。麻辣口水鸡面头有些少花生碎同䓤花鸡肉食落好嫩滑，配埋啲麻辣酱汁好好味唔会太辣。瑶柱鱼滑上汤浸时菜汤底白雪雪，饮落浓郁鱼汤味入面有好多鲮鱼滑同小棠菜，上枱系用咗个石煲嚟装住可以保存温度够热。整体呢间中菜厅环境几别致新颖，虽然价钱偏贵但系味道不错绝对可以一试。