漁釧 (將軍澳中心) (已結業)

好耐无行将军澳中心原来已经翻新完成，开左好多新嘅食店，而我今晚就同朋友试左呢间门口有个大灯笼同店内装修唔错嘅居酒屋，店内采用开放式厨房设计，有长bar枱可以比你坐喺度观赏厨师煮餐嘅厨艺，另外亦有多张2人4人同6人枱，今晚我6点半左右去到攞位，职员安排左一张6人枱比我哋3个，所以坐得几舒服，而当食物嚟到放晒喺枱时亦因为系大枱原因所以亦唔会有唔够位枱细嘅情形出现，我目测因为我哋入去时几张4人枱系有客人所以安排6人枱比我哋，我同朋友其实今晚系为左试佢哋个蒸蚝而嚟，因为我个人觉得蚝除左生食，蒸亦系一个唔错嘅选择，我哋坐底叫左饮品后就先叫左半打生蚝，但食落本身蚝个味道都ok嘅但唔够冻要扣分，跟住我哋再试蒸蚝，职员将石油气炉连一个四方不锈钢蒸锅放喺枱，同一个计时器，同我哋讲蚝先蒸3分钟然后熄火再焗3分钟就ok，好在蒸蚝无令我失望，好鲜味同埋唔会太细只，另外我哋再叫左几款串烧同天妇罗虾，同一个蟹锅，蟹锅系用新鲜活面包蟹煮，锅底放入蔬菜原锅嚟度再煮熟，汤底好鲜甜而蟹当然因为新鲜味道亦都唔错，而今晚餐厅嘅服务个人觉得都算唔错，除左基本不停加茶外问佢哋有关餐牌嘅佢哋都回覆好仔细，埋单$九百几，呢间居酒屋算