御名園 (已結業)

今日同屋企人食晚饭，之前试过饮茶觉得环境好舒服，于是试下佢地既晚市!精品黑豚叉烧皇平时黑豚叉烧皇都要系D高级酒店先食到，所以见呢度有就即刻叫黎试下，黎到发现份量比想像中多，我地4个人食都好够食!叉烧烧得有D㶶边，非常香口，肉质又唔鞋口，肥瘦分明，十分高质!鲍鱼汁花胶炆豆腐上台已经闻到香喷喷，鲍鱼汁捞饭食一流，花胶索哂D汁非常入味，豆腐滑溜溜，而且切得够厚身，口感非常好，再加埋D菇菇健康得黎又美味!瑶柱海味杂菜煲每日都要食D菜，所以海味杂菜煲就岩哂，又有营养又唔会寡，咩菜都有D，难得系即使咁多菜但味道都好够，非常推荐!蒜蓉粉丝蒸蛏子呢道菜真系要趁热食，蒜蓉粉丝呢个组合冇得输，一定系好好味，而蛏子亦好大只，肉身够厚啖啖肉，又系捞饭食之选!清蒸老鼠斑平时唔系好钟意食鱼，但呢度既老鼠斑见差唔多台台都叫所以就试下，估唔到鱼肉咁滑，加埋清蒸豉油咸香得黎又好有鱼既鲜味!澳洲龙虾伊面最后我地叫埋澳洲龙虾，重一斤几，都几大只，好多肉，面底充满牛油香，滑溜溜好好食!总括黎讲呢间酒楼服务好，环境又舒服，食物质素佳，屋企人都好满意!