To-Gather Cafe (已結業)

放左工最开心紧系约埋班老友一齐围威喂啦！想坐耐啲，又想有野食有野玩？呢到 ❮To-Gather Cafe❯ 就岩哂啦。旺角方便，玩夜左基本上个个都有车返屋企～呢到个环境虽然唔算好大，但都坐到几张大台，而且每台既空间感都几好，SOFA既椅背做得好高，几有私人空间，玩得几颠都唔会好影响隔离～仲提供左多款BOARD GAME比大家玩～～如果你系一大班人去，可以叫个PARTY SET，唔洗谂，又有好多野食。当然仲可以单点，都有好多唔同选择同推介。白汁香蒜蚬肉意粉 $97呢个意粉黎到既时候己经觉得佢好香，好大阵蒜味慢慢飘出黎，而且一眼就望到材料都好多，蚬肉分量真系好多，真系食到最后都仲有～而且白汁配白蒜既味道好夹，煮得几好。黑松露海鲜意大利饭 $119卖相非常吸引，所有海鲜铺哂上面，特别系啲青口同大虾，一睇就知好大只，好足料！佢啲虾仲好爽口！而黑松露饭更深得我心，黑松露味道唔会过份浓郁，对我来说食起上黎岩岩好～美式薯条加特浓芝士 $50喜欢芝士又点可以错过呢～而且薯条人人都好喜爱！薯条最紧要就系趁热食，虽然感觉热气但真系忍唔到口。不过芝士味比我想像中淡左啲，不过都系一个不错的尝试～蜜糖鸡翼 $5