影片
更多
2022-05-19
83 浏览
好食既餐厅有两种，一种系用钱买高质食材，堆砌成一餐高级料理，靓既食材基本上点煮都会好食；另一种系用平民食物，靠厨师既功能料理成高质料理。而留民料理正正系后者！留民料理主打Fushion中菜，我地叫左好几个小食。🐓 泡椒鸡脚 （$46）总数有6只鸡脚。我本身唔食辣，系男朋友好辣，但个鸡脚只系微辣，而佢做得好惹味，唔系净系得个辣字！好食到连平时谭仔叫清汤既我都食左两只！（虽然饮左两杯水😂）🐄 麻辣牛筋 （$96）同鸡脚一样，虽然佢辣，但唔系净系得个辣字，系超香超好食，啲牛筋又要好冧好易咬。结果最后我仲食得多过好辣既男朋友！🧱金砖豆腐（$68）本身我地两个已经好钟意食豆腐，哩碟豆腐系无得挑剔！个皮炸到好松脆，啲配菜有炸蒜同葱，夹埋一齐食劲香口！🍢串烧拼盘（$118）+ 原条茄子（$42）个拼盘都好多款！有猪颈肉、五花腩、牛、鸡翼x2同一串秋葵。啲调味一样做到好惹味，去到哩到终于忍唔住，我地决定要叫两杯啤酒配哩堆咁好食既小菜！😂条茄子配左木鱼又出奇地夹，成条茄子都好甜！🐮 鹿儿岛A5和牛膏片烩饭（$198）个饭煮法有啲似Risotto，而配既料又似中式炒饭。虽然用左和牛膏，但食得唔油腻。明明已
好食既餐厅有两种，一种系用钱买高质食材，堆砌成一餐高级料理，靓既食材基本上点煮都会好食；另一种系用平民食物，靠厨师既功能料理成高质料理。而留民料理正正系后者！
留民料理主打Fushion中菜，我地叫左好几个小食。
🐓 泡椒鸡脚 （$46）
总数有6只鸡脚。我本身唔食辣，系男朋友好辣，但个鸡脚只系微辣，而佢做得好惹味，唔系净系得个辣字！好食到连平时谭仔叫清汤既我都食左两只！（虽然饮左两杯水😂）
🐄 麻辣牛筋 （$96）
同鸡脚一样，虽然佢辣，但唔系净系得个辣字，系超香超好食，啲牛筋又要好冧好易咬。结果最后我仲食得多过好辣既男朋友！
🧱金砖豆腐（$68）
本身我地两个已经好钟意食豆腐，哩碟豆腐系无得挑剔！个皮炸到好松脆，啲配菜有炸蒜同葱，夹埋一齐食劲香口！
🍢串烧拼盘（$118）+ 原条茄子（$42）
个拼盘都好多款！有猪颈肉、五花腩、牛、鸡翼x2同一串秋葵。啲调味一样做到好惹味，去到哩到终于忍唔住，我地决定要叫两杯啤酒配哩堆咁好食既小菜！😂
条茄子配左木鱼又出奇地夹，成条茄子都好甜！
🐮 鹿儿岛A5和牛膏片烩饭（$198）
个饭煮法有啲似Risotto，而配既料又似中式炒饭。虽然用左和牛膏，但食得唔油腻。明明已经饱晒，但因为好好食，结果都一粒米不漏地食晒。唯一美中不足就系最尾先食佢，俾浓味既串烧抢左佢个味！
🍻 黑白配 （$62）
我见个名咁得意，问左waitress 原来系白啤沟黑啤，waitress话无黑啤咁苦，我又好少见，就试左，又真系唔苦👍🏻
哩个隐世小店既位置真系隐世，撘西铁转轻铁后都仲要行一段路仔，佢周围都系住户，相信全要做街坊生意。用普通食材煮到高质料理出黎，哩位厨师既厨艺绝对值得大家多多支持👍🏻
我食既途中都唔知讲左几多次「真系好好食」，希望听到既人唔好嫌我烦啦，因为真系好好食😂
张贴
