影片
更多
2024-04-10
864 浏览
将军澳泰Cool帮衬过好几次，由系将军澳海滨店到而家搬咗去Popwalk 2都食过，水准中上两个人叫咗两杯饮品三款食物，每人平均200几蚊，价钱合理。今次叫咗咖青口酿焗包、马拉盏粉丝杂菜、椰子鸡汤，三样都好啱口味。咖喱青口酿焗包上枱大碟，细食人士要叫多几个朋友先食得哂。成份有8只青口，刚刚好够一件面包配一只青口，唔会唔够分。青口都够鲜味，唔系急冻太耐搞到无哂海鲜味，值得一赞。咖喱系属于椰奶味浓嘅款式，辣味唔算重，就算唔太食到辣嘅朋友都唔洗担心。咖喱入面仲有大大块红椒、青椒、洋葱，咬落好爽口。夹埋面包同青口食，口感丰富。马拉盏粉丝杂菜马拉盏属于微辣，粉丝入哂味，如果𩠌饭都系一流。至于杂菜嘅款式真系非常多，包括芥兰、粟米仔、西兰花、椰菜花、秀珍菇、甘笋、椰菜，补充营养都系一流。但炒菜嚟讲都会比较多油，所以少油开嘅朋友，可能会觉得油。地道椰子鸡汤点解叫地道椰子鸡汤？因为佢就系泰国风味嘅鸡汤，并唔系中式好清嘅口味。就好似走辣版本嘅冬荫功汤。汤入面仲有颇多鸡肉，而鸡肉都系嫩滑，不过建议一开始可以捞起啲鸡肉，等饮汤个阵再放落汤渌一渌就避免咗锅汤一直热住令鸡肉过老。鸡汤系用平时一人边炉嘅锅上台，下低
两个人叫咗两杯饮品三款食物，每人平均200几蚊，价钱合理。
今次叫咗咖青口酿焗包、马拉盏粉丝杂菜、椰子鸡汤，三样都好啱口味。
咖喱青口酿焗包
上枱大碟，细食人士要叫多几个朋友先食得哂。成份有8只青口，刚刚好够一件面包配一只青口，唔会唔够分。青口都够鲜味，唔系急冻太耐搞到无哂海鲜味，值得一赞。咖喱系属于椰奶味浓嘅款式，辣味唔算重，就算唔太食到辣嘅朋友都唔洗担心。咖喱入面仲有大大块红椒、青椒、洋葱，咬落好爽口。夹埋面包同青口食，口感丰富。
咖喱青口包
44 浏览
0 赞好
0 留言
马拉盏粉丝杂菜
马拉盏属于微辣，粉丝入哂味，如果𩠌饭都系一流。至于杂菜嘅款式真系非常多，包括芥兰、粟米仔、西兰花、椰菜花、秀珍菇、甘笋、椰菜，补充营养都系一流。但炒菜嚟讲都会比较多油，所以少油开嘅朋友，可能会觉得油。
地道椰子鸡汤
点解叫地道椰子鸡汤？因为佢就系泰国风味嘅鸡汤，并唔系中式好清嘅口味。就好似走辣版本嘅冬荫功汤。汤入面仲有颇多鸡肉，而鸡肉都系嫩滑，不过建议一开始可以捞起啲鸡肉，等饮汤个阵再放落汤渌一渌就避免咗锅汤一直热住令鸡肉过老。鸡汤系用平时一人边炉嘅锅上台，下低有火一直热住个汤，包你由头饮到尾都系热辣辣。
地道椰子鸡汤
44 浏览
0 赞好
0 留言
热精果沙冰 & 泰式奶茶
去到泰国餐厅，叫返杯特饮就少不免。对上一次印象中嘅饮品都落重糖，所以唔太啱我口味。不过今次就试下其他饮品，了解一下系咪饮品普遍偏甜。热情果沙冰坐系出面都听到打沙冰嘅声份量十足，亦都系真材实料，见到啲黑色嘅籽碎。
泰式奶茶一般都好甜，但呢杯冲得刚刚好，饮落唔会鞋口。
当日正直晚餐时间，不过客人数目只有几枱，所以出餐都比较快。外卖单亦都唔多。
整体不错嘅泰菜，希望多啲区内居民可以支持一下！
张贴
