泰COOL

营业中

休息中

一行四人原先想去其他店品嚐美食，我們沿途經過此泰國餐廳，環境不錯，見餐牌價錢合理，就入去嘗試，服務態度好，價錢合理，叫了幾樣食物，食物質量也不錯，用餐體驗很不錯

好多年前食過油麻地嗰間泰Cool嘅lunch, 感覺麻麻，午市套餐嘅食物好似整定咁，唔夠熱，嗰次試咗咖哩牛腩農夫包同炒金邊粉，味道都唔係好啱我口味。但係有位都幾識食嘅朋友佢就覺得泰Cool好好味, 於是有啲餐飲券就去再試，原來油麻地分店已經結業，全港仲有三間分別睇將軍澳天晉、鰂魚涌同九龍灣麗晶花園。今次我去咗將軍澳分店，lunch時間都爆場，lunch set大約六十幾蚊，仲要免加一。不過我哋今次就散叫。食咗朋友推介嘅咖哩軟殼蟹🦀農夫包。賣相同味道都已經同我n年前喺油麻地店食嘅好唔一樣，成件事進步咗。麵包有切開方便食客食用，麵包焗得香脆（不過有一邊燶咗少少）, 配上加咗蛋🥚嘅泰國黃咖哩，個汁真係好適合送飯送麵包，好惹味。反而軟殼蟹份量就少咗啲。另外點咗青胡椒炒蜆，份量都算多，似大排檔豉椒炒蜆嘅味道，掛咗個蠔油味醬汁，會越食越辣嘅風味。炒金邊粉都仲係麻麻哋，味道層次唔夠豐富，似中式濕炒河，泰國風味唔夠。主餐牌寫住要加一，但唔知係咪因為我哋weekdays嘅lunch去食，最終冇收到加一。呢餐總共大約400蚊。

地方不大, 環境一般.點菜時阿姐話唔識, 叫我地講number.火車頭味道差, 牛肉有點韌,, 豬肉有些微騷味, 粉煮過了. 偏軟.海南雞無雞味, 雞肉韌,  咖哩牛肉韌, 咖喱還可以.價錢一般, 但食物水準差, 我不會再光顧.

住咗咁耐，最近路過才發現一間看似 不錯嘅泰菜，進店後見到幾個泰國人講泰文，感覺很親切 。於是叫了個午餐，香茅豬扒湯檬 +熱泰茶，整體味道不錯，泰茶正常發揮 。由於我係泰國迷，已約了幾個麻雀腳，聽晚大戰完便去試多幾個菜式。點知今日突然掛住佢個豬扒，又去左食個午餐，點知今日個豬扒燶到一個點，上枱果陣我呆左兩秒，甘都得？？？但諗諗下，個廚師煮完都可以放出嚟，出菜嗰個又覺得冇問題照上枱畀我，係咪我自己要求太高咋🤔轉頭我攞張紙巾整走D濃既部分，因為我怕會苦，另一個侍應路過好有心問我要唔要換，話見到我塊豬扒濃到甘，我先肯定我今次唔係挑剔 。但我覺得廚師都覺得冇問題，出菜嗰個亦覺得冇問題先會上枱，為咗避免再次有唔開心嘅事情發生，算了吧 !冇下次!

將軍澳泰Cool幫襯過好幾次，由係將軍澳海濱店到而家搬咗去Popwalk 2都食過，水準中上兩個人叫咗兩杯飲品三款食物，每人平均200幾蚊，價錢合理。今次叫咗咖青口釀焗包、馬拉盞粉絲雜菜、椰子雞湯，三樣都好啱口味。咖喱青口釀焗包上枱大碟，細食人士要叫多幾個朋友先食得哂。成份有8隻青口，剛剛好夠一件麵包配一隻青口，唔會唔夠分。青口都夠鮮味，唔係急凍太耐搞到無哂海鮮味，值得一讚。咖喱係屬於椰奶味濃嘅款式，辣味唔算重，就算唔太食到辣嘅朋友都唔洗擔心。咖喱入面仲有大大塊紅椒、青椒、洋蔥，咬落好爽口。夾埋麵包同青口食，口感豐富。馬拉盞粉絲雜菜馬拉盞屬於微辣，粉絲入哂味，如果餸飯都係一流。至於雜菜嘅款式真係非常多，包括芥蘭、粟米仔、西蘭花、椰菜花、秀珍菇、甘筍、椰菜，補充營養都係一流。但炒菜嚟講都會比較多油，所以少油開嘅朋友，可能會覺得油。地道椰子雞湯點解叫地道椰子雞湯？因為佢就係泰國風味嘅雞湯，並唔係中式好清嘅口味。就好似走辣版本嘅冬蔭功湯。湯入面仲有頗多雞肉，而雞肉都係嫩滑，不過建議一開始可以撈起啲雞肉，等飲湯個陣再放落湯淥一淥就避免咗鍋湯一直熱住令雞肉過老。雞湯係用平時一人邊爐嘅鍋上台，下低

在風和日麗的星期天約了好朋友在將軍澳海邊跑步。跑完步之後又是時候尋找美食了。住在本區的朋友知道我喜歡泰國菜，帶我來到這家位於商場2樓的小店，我點了一個烤雞肉串加火車頭炒飯。兩個烤雞肉串沾滿了燒烤醬味道，主菜火車頭炒飯裡面有玉米蔬菜，蛋碎，每一口飯粒，都是金黃可口，非常入味，再喝上一杯甜度適中的泰式奶茶，完美的一餐。現場也很附近工作的人，估計都是這店的熟客。這家小店的收費也非常便宜，午餐時段，每個人也不超過60塊錢。

突然想食泰國菜，唔洗下下都去九龍城。屋企附近原來都間正宗嘅泰國餐廳，「泰cool」將軍澳分店由泰藉師傅主理，所以菜式比較地道正宗，而且份量都足料唔馬虎架！呢晚兩個人點三道菜，差D食唔哂，各款主菜大致上$88至$200，炒粉麵飯$78-$88呢個價位，但睇落幾大碟架，四人share 我覺得都夠！首先食我哋至愛嘅海鮮冬䕃功湯，明爐上熱辣辣，仲好足料，有蝦、青口仔、魷魚仔，叫咗少辣，酸酸甜甜帶點微辣，如果多啲椰奶更正！明爐泰式烤魚，有粉絲鋪底，湯汁滾起，我哋連汁都飲埋，不過條魚冇乜味，好似未落鹽咁，唯有問侍應拎D豉油加味😜芒果燒牛肉沙律🥗— 好好味，成$88碟，不過份量多，芒果甜，牛肉惹味，有啲蔬菜點綴下，感覺好健康😜仲有其他菜式想食，下次再來吧！

今日同朋友兩個人去左將軍澳泰cool食lunch，以前我地去開觀塘果間，不過執左之後就好耐都無食過。餐牌款式都照舊無變，我地分別叫左泰式豬手飯同巨型麵包釀咖喱牛腩。豬手炆到好淋滑，豬肉味香濃，撈埋個汁勁好送飯。巨型麵包名副其實真係好巨，牛腩無豬手咁淋，不過都唔會鞋或者韌，咖喱汁椰香味夠，辣道適中，配包一齊食簡直係絕配，食完仲飽過食飯。餐飲我地都一樣叫左泰式奶茶，因為我地都好鐘意佢地沖既味道，茶香奶滑。

上班愛吃的餐廳每當懶得出去找餐廳吃飯或者一時之間想不到想吃什麼時都會去泰cool搞定我的午飯這次試了泰式雞絲炒河很香很有獲氣！我很喜歡！還會加錢換泰式冰奶茶！爽是泰國風味的奶茶🥤很愛！

一開始見冇乜人等，諗住等一陣就有位，點知原來仲有訂位。明明本身係排第三堆，都足足要等45分鐘。入到去，同個男人講張枱未抹，佢同我講：「下，咁要等耐少少呀！」我成頭問號。到點野食，我講餸名，佢就係都要我講number，fine！我心諗，又要我搵number，咁你都要等耐少少 🙄 講返野食～馬拉盞椰菜仔好食😋，個馬拉盞辟哂啲椰菜仔嘅苦味，但又唔會太咸太辣。蝦餅賣相已經100分 ☺️，外脆內軟，每粒都好飽滿，份量十足冇偷工減料。蟹肉蟹籽炒粉絲夠哂惹味😍，粉絲軟硬質地啱啱好，唔會太濕或太乾，配埋蟹肉一流！雖然其他職員嘅態度都好好，但為免受氣，一坐低嗰下已經諗定唔會再有下一次🙂

又係泰國野 🇹🇭又係去食我最鍾意嘅泰國嘢，近近地今次就搵返我屋企附近有間叫泰cool🦋我哋叫咗：串燒拼盤，拼盤小食，炒金邊粉，冬陰功湯，馬拉盞炒菜苗其實呢一間總括嚟講都係不過不失，小食拼盤同埋佢個串燒係ok 架，比較令我哋失望小小嘅就係個冬陰功湯，因為佢唔夠濃味，同埋我哋覺得佢嗰粒唔夠大致上都係偏淡同偏酸另外就係可能我哋去嗰晚係星期五，啲時間都好忙，有時叫佢哋都未必可以即刻過嚟服侍到你好似我哋叫咗杯水走嘅時候都冇幫我哋換新😂😂所以我哋好快食完就走咗😢😢#thaifood#foodie#tko#天晉#泰cool===================泰COOL (將軍澳)將軍澳唐賢街19號天晉匯2期1樓119B號舖

本身已有食開泰Cool呢間泰菜，見到將軍澳都開咗泰Cool，當然要支持下啦！泰cool離將軍澳地鐵站5至6分鐘，相當方便！😋菠蘿海鮮炒飯大大碟，面頭有幾款海鮮，蝦肉好彈牙，青口都新鮮，除咗有菠蘿外，亦有腰果、提子、青豆、及蘿蔔粒等，口感非常豐富！巨型麵包咖喱牛腩想試呢款咖喱麵包好耐，終於食到，果然無令我失望😋！咖喱牛腩超級多，好足料，咖喱好惹味，夠辣，麵包亦夠脆，焗得好香☺️蝦炒金邊粉係次次都必點嘅菜式😋水準依然Keep得好好！蝦肉同樣彈牙！金邊粉軟硬適中，易咬，配上獨有泰式醬料抄，好入味！

夏日炎炎食個泰國菜🇹🇭🇹🇭🇹🇭🇹🇭🇹🇭特別有感覺！將軍澳唔算多非連鎖餐廳揀，難得有泰cool真係諗都冇唔諗就走入去坐低🫢🫢兩個人叫咗個明爐烤魚再加咗三樣野好似有烀竹貪心哈哈又要攬住個肚走🐽🐽🐽烤魚配料好多調味唔會太濃幾清新☺️☺️食曬成爐魚都冇口渴好舒服！夠新鮮就唔洗咁多色水🔥🔥🔥Pad Thai 正常發揮啦👍🏻木瓜沙律比想像中出色辣度幾合適冇叫飲品但成餐食落都幾舒服，泰菜調味做得好而不過重真係好重要‼️

今日行開嚟將軍澳呢一頭做嘢，平時都好少會過嚟呢一邊，所以都要周圍行吓搵吓有咩食，發現呢度開咗好多間新嘅餐廳，咁我都因為肚餓就求其入左一間，呢間餐廳就係泰國菜泰cool！我見佢出邊門面裝修都幾靚，又有露天茶座咁chill下，入到入邊亦都有個佛像咁樣嘅泰式祭祀神壇，都幾有泰國風味，咁我叫咗一個海南雞飯，本身諗住飲泰式奶茶，但驚佢太甜，所以改咗叫檸檬茶。但講返啲食物質素我覺得麻麻地，因為隻雞都冇乜雞味，啲肉又唔算太嫩口，真係冇乜雞味，基本上靠個泰式辣醬送飯，因佢個飯亦都冇乜味，所以下次應該會試吓其他菜式！

今天去將軍澳遊玩一下，附近有不少食肆，但有些價錢比較貴。剛好經過這間泰國餐廳，見價格合理，而且午餐多款式，便入去試一試！巨型麵包咖喱牛腩、泰式豬手飯、茅豬扒雞扒河粉、海鮮河粉、雞肉炒河。總之河粉、麵、湯粉、飯，林林總總，午餐的款式令人眼花撩亂我選了泰式蝦金邊粉，一上枱十分有驚喜，大碟到不得了！🥰一個女仔應該食不完。金邊粉炒得非常有鑊氣，而且加了花生做配料。將花生撈在金邊粉吃，又惹味又香口。平時吃金邊粉🦐總是小小的，這間泰國餐廳的鮮蝦大大的，咬落去非常爽口，而且調味不錯，又有泰式的風味，完全要比100分👍🏻朋友叫了海南雞飯，以$58這個價錢來說十分超值，油飯非常香，雞件很嫩，份量不算少算是不過不失。