koi (已結業)

将军澳新开西日料理小酒馆Koi， 当日都试左唔同菜式可以介绍下！辣味吞拿鱼米饼都有啲Fusion，米饼就好似炸左既寿司，加埋辣味吞拿鱼同青椒，感觉几开胃！原只天妇罗虎虾辣卷唔算好辣，都算惹味！黑椒汁炸鸡配熏腌白萝卜他他酱，都几多旧而且鸡件都几滑，炸出来都好热，配埋白萝卜他他酱，都可以解解油腻！照烧汁鹅肝锅饭都几惊喜，初初见佢加左苹果粒以为会唔夹，点知酸酸甜甜令食落无咁滞，而鹅肝既油脂捞埋落啲饭度都几香，都唔错！甜品方面，红豆枝豆团子都几特别，无谂过枝豆可以喺甜品度出现，但味道唔违和，团子都几软糯！法式奶冻（宇治抹茶及酱油焦糖），酱油焦糖都特别，焦糖嘅甜味中带出酱油嘅咸香，配埋奶冻食都几好，宇治抹茶奶冻就基本上都几好！