Seoulmate (MONTEREY Place)

营业中

休息中

疫情期间真系好少出街，离不开都系去下将军澳海滨行下感受下海边，行下行下又肚饿就求其入左间餐厅食晏昼。红烧牛肋条汤配稻亭乌冬 $88男朋友叫左个乌冬，红烧牛肋条汤比预想中好味，好重牛肉味道而唔会好重味精汤感觉。再加上男朋友最爱食嘅稻亭乌冬，真系一流，汤都饮晒。火灸柚子三文鱼、青柠荷兰汁水波蛋 配窝芙 $118我就叫左打卡精选，柚子汁三文鱼加埋青柠荷兰汁嘅水波蛋食落相当开胃，酸度cover左三文鱼同水波蛋嘅腻感。虽然夹埋窝芙应该系好食，一个几唔错嘅配搭，但系窝芙有啲硬身左少少，感觉似系冻左嘅硬身，所以口感差咁啲，不过都好食嘅。Ice Americano 焙茶和特浓朱古力雪山 好靓嘅一杯野饮，但系要快手影完相就饮啦，因为旁边都流到落底同埋中间会塌左落去。Overall黎讲食物都唔错，但系上菜速度真系有待改善，男朋友个乌冬同埋野饮上左接近15分钟个窝芙都未出到，不过食物质素同打卡质素都唔错。