陳儀興飯店 (嘉悅)

营业中

休息中

陈仪兴喺香港有几间分店，今晚约咗朋友食饭所以就去咗将军澳𠮶间，环境好企理，座位都算多，坐得几舒服。椒盐鳝球朋友好钟意食鳝，钟意白鳝嘅口感，爽口得来啖啖肉，二椒盐嘅煮法就令到白鳝更加香口，炸得非常干身，唔会油冧冧。卤水鹅片你都食潮州嘢，又点可以唔试卤水呢，之前食过呢度嘅鹅片，今次水准一如以往，卤得好入味，而且冇骨啖啖肉，份量好多。蚝仔肉碎浸时蔬如果想食蚝仔但系又唔想食煎蚝仔咁热气，诚意推介嗌蚝仔肉碎浸时蔬，蔬菜可以随自己喜好选择，今次就拣咗油麦菜，蚝仔份量好多，粒粒饱满，冇乜腥味。黄金鲜鱿一向都好钟意食咸蛋黄鱿鱼嘅我，当然就要嚟呢度试吓啦，每一块鱿鱼都比咸蛋黄包裹住，咸香味十足，而且鱿鱼非常新鲜，爽口弹牙，推介！脆皮落汤钱呢一道甜品无论系菜式名，定系卖相都十分特别，实际就好似将糖不甩煎香两面，然后再沾满花生糖碎，所以食落比糖不甩更加干身同香口。