Running 燒 (已結業)

将军澳虽然多嘢食，但系想揾间韩烧都真系冇乜边几间，但竟然比我揾到一个神秘嘅角落，开咗呢一间旺角都有分店嘅韩烧！！未嗌嘢食之前，出面已经摆到成个自助餐咁，除咗有啲熟食同沙律之外，仲有好靓嘅甜品同埋雪糕、饮品等等。尤其系佢嘅雪条，竟然可以任食Dreyer's！！我自己一口气都食咗两条！而饮品方面虽然佢嘅饮品款式唔多，但系佢竟然有一个好聪明嘅自助热饮机！过程好方便，而且一啲都唔会热亲只手。之后职员俾咗个QR code我地scan，电话上嘅款式都几多，竟然仲有海鲜类同埋熟食，有炸鸡同一啲饭同面。肉类我同朋友都嗌得几多，因为想试晒佢哋唔同嘅口味，个人觉得最好食当然系佢嘅猪颈肉同埋五花腩，将佢包埋啲韩式辣酱放喺生菜食，完全觉得自己去咗韩国咁！佢嘅海鲜仲有生蚝同埋扇贝等等！真系食到我同朋友两个好饱！