Running 燒 (已結業)

难得同朋友一齐放假，约咗一齐食晚饭但系又唔想去咁远就决定留返喺将军澳，知道Running烧喺popcorn开咗新店，就嚟试下系唔系同旺角一样咁唔错🤗酱汁；蔬菜类同少量熟食仲有饮品同甜品就喺出面可以自取！肉类；海鲜同小食就用电话落单好方便，我哋叫咗好多嘢食，牛肋骨；西施牛肉片；薄切西冷牛扒；猪头枕；厚切猪腩肉；扇贝；带子；蒜蓉芝士生蚝……牛五花肉同生蚝仲有炸鸡系我哋嘅最爱，点咗几次😍😍生蚝有2款，蒜蓉芝士生蚝同原味，我哋都一致认为原味已经好好食简简单单原汁原味，食落鲜甜无腥味❤️牛五花肉系今餐点得最多次嘅肉类，大大片而且油脂分布得好平均仲有满满嘅蒜蓉，因为系薄片所以烧一烧好快就食得而且充满油香同肉汁👍🏻👍🏻👍🏻炸鸡有几款，每款都系即叫即炸，热辣辣脆卜卜🤤食物款式选择多质素亦唔错，完全冇漏单嘅情况，连Dreyer's乳酪雪条都可以任食，难怪未够六点入座已经差唔多全场爆满！