Running 燒 (已結業)

好耐冇任饮任食大放肆喇!呢个weekend终于忍唔住去食任食烧肉放题!呢间餐厅新开，系佢装修紧既时候已经谂住一定要试，岩岩试业左几日，估唔到咁多人同我一样谂法，趁weekend黎疯狂食食食!大家齐齐等12点开门~因疫情关系都系要探左热先入座，点菜系用QR code，另外出面有自助区拎蔬菜类同熟食，饮品亦系自助形式自己出去拎，好多韩国饮品都有，唔驶怕食到口干干冇野饮!不过要注意出去拎食物饮品都要戴番个口罩~保护自己保障他人~出面熟食区选择都好丰富，有辣炒年糕、泡菜煎饼、炒饭、鸡汤等等，韩迷一定满意!第一轮我就懒健康咁拎D蔬菜番去烧，有南瓜、蕃薯、茄子等等，可以享受韩烧之余减低罪恶感!QR code点餐方面主要系肉类同海鲜，亦有其他出面冇得拎既熟食，只讲炸鸡都有几款口味选择，我拣左个喷火辣鸡俾老公，食到佢真系喷火~嗜辣既朋友可以挑战一下!要赞一赞呢度既些菜速度都几快，亦唔会好似平时放题咁甩单漏单，服务态度亦唔错!最后可以去甜品区拎雪糕雪条同蛋糕仔~除左雀巢仲有韩国雪条，作为甜品甜一甜都很不错!午市放题都系200蚊度，平日再平d，食到晚餐都唔驶食!正!