Seoulmate (MONTEREY Place)

营业中

休息中

入将军澳揾朋友食饭，拣左呢间韩国餐厅。呢间餐厅系可以带埋狗仔黎，仲见到店员拎d零食请d狗仔食😝😝😝又有野食又有狗仔望。叫左一杯芒果奶昔奶盖雪山一杯士多啤梨奶昔奶盖雪山，两杯都好好味🤤个奶盖好浓好正，奶昔味道都唔会太甜👍👍推荐！炸鸡可以拣三只味，我地拣左松露蛋黄酱、甜辣同埋蒜香蜜糖芥末。其实都系炸鸡另外再加d酱上去，松露蛋黄酱同蒜香蜜糖芥末都唔错，甜辣就觉得怪怪地，唔太推荐大家拣。个鸡热辣辣同埋d肉都好嫩滑👍呢个烟雾弥漫乌卒卒火山章鱼蟹肉明太子炒饭卖相相当QQ，好岩打卡🤣🤣味道方面就普普通通，个饭都几多章鱼粒，同埋有少少辣辣地，仲有好多紫菜。出面个层泡泡好似系有d紫菜味咁，不过试一次就够了🙂最后仲叫左榛子,忌廉配焦糖香蕉麻糬窝芙，呢个麻麻地，个窝夫加左麻糬好痴牙，个口感怪怪地，同埋个窝夫冇乜蛋浆味。