影片
更多
2021-03-18
94 浏览
近排唔知点解好想食韩烧，又未有得去韩国，唯有稳揾间韩国餐厅顶顶瘾先。晚饭时间去好彩系平日所以唔使排队就可以入，餐厅环境阔落，一入去就可以望得到自助区。餐厅系半自助餐嘅形式，肉类要喺电话落order，其他熟食甜品同菜之类就喺出面自助区自己攞。一坐低我地就事不宜迟落咗好多款唔同肉类，佢嘅肉主要有猪肉牛肉鸡肉同海鲜几类，我哋咩都叫咗啲嚟食。餐厅好贴心咁样将唔同嘅肉类分开上，每一个碟会放同一类嘅嘢食。觉得佢整体嘢食嘅好味排名系牛肉&海鲜>鸡肉>猪肉。大部份嘅肉都唔会话好咸好重味，味道啱啱好，牛嘅话牛五花肉片同埋有一款薄薄地嘅牛切片都有好浓郁嘅牛味同埋唔会太肥，个人钟意包住生菜食感觉冇咁油腻，牛柳粒亦都值得推介，好香同埋咬落去唔会话好难先扯得开。海鲜方面觉得芝士生蚝同鱿鱼好味，芝士生蚝有少少拉丝加埋啲啲蒜蓉完全系perfect match，不过就要等耐少少时间，鱿鱼烧完脆脆地好香口。鸡肉就觉得有个辣辣地嘅鸡几好食，同埋佢啲鸡唔会话好鞋烚烚。最后到猪肉，觉得辣味猪颈肉系咁多款猪入面最好食嘅，一条长身厚肉好足料，另外值得一提嘅系佢嘅上菜速度真系非常快，基本上落单之后三四分钟左右已经可
餐厅好贴心咁样将唔同嘅肉类分开上，每一个碟会放同一类嘅嘢食。觉得佢整体嘢食嘅好味排名系牛肉&海鲜>鸡肉>猪肉。大部份嘅肉都唔会话好咸好重味，味道啱啱好，牛嘅话牛五花肉片同埋有一款薄薄地嘅牛切片都有好浓郁嘅牛味同埋唔会太肥，个人钟意包住生菜食感觉冇咁油腻，牛柳粒亦都值得推介，好香同埋咬落去唔会话好难先扯得开。海鲜方面觉得芝士生蚝同鱿鱼好味，芝士生蚝有少少拉丝加埋啲啲蒜蓉完全系perfect match，不过就要等耐少少时间，鱿鱼烧完脆脆地好香口。鸡肉就觉得有个辣辣地嘅鸡几好食，同埋佢啲鸡唔会话好鞋烚烚。最后到猪肉，觉得辣味猪颈肉系咁多款猪入面最好食嘅，一条长身厚肉好足料，另外值得一提嘅系佢嘅上菜速度真系非常快，基本上落单之后三四分钟左右已经可以开始烧得。
除咗肉类之外，佢自助餐区都有好多唔同选择，个人觉得佢嘅泡菜好好食，忍唔住出去装左几转。自助区有唔同嘅酱料可以自己攞返去配肉食，肠同埋菇类呢啲基本野佢都有。另外好特别既系佢有几个专门摆糖嘅筒，食饭途中都见到好多小朋友走出嚟攞糖返去食，作为家庭聚会嘅地方都唔错。餐厅仲有唔同嘅甜品不过我哋今次就冇试到，下次有机会先再试下。虽然睇落食野时间好似好短，但我哋两个人都食到饱到上心口咁先出返黎，一餐满足左我地食肉兽既份量。
张贴
