影片
更多
2022-10-20
1817 浏览
放假去咗旺角行街同食嘢，原本朝住食雪糕拉面嘅目标出发🍦，去帮衬「一生悬面」，点知我迟咗几日，餐厅已经做完呢个推广喇😭。不过一场嚟到都食个面，支持一下。拉面店人气高企，同预期中一样要排队先入得，但佢都贴心嘅💕，放咗部风扇散热。店舖面积唔大，有少许逼，不过餐枱就够大张。店员们百忙之中仍能保持友善，抵赞。餐厅同时提供沾面及拉面🍜，常设汤底有四款，另外仲有期间限定口味，今期系牡蛎沾面。一碗面定价由$69至$85不等(除限定款外)，价钱算大众化👍。海老沾面($85)，沾面汁铺满樱花虾🦐，而沾汁本身亦富有浓浓虾香。我将一束面条放入沾汁后，面条挂满虾汁同微微脆嘅樱花虾，无论味道定口感都好充实。面底分开上，份量激多，我嗌咗热面，所以就唔怕整冻个汁。面条偏粗身，口感弹牙，可拣软硬度，我认为中间啱啱好。辛辣拉面($79)，🌶辣辣拉面个样有少少吓人，因为偏红色，但食落又OK啵。最重要嘅系佢嘅辣唔系一层红油或者狂落七味粉，亦冇过咸，饮完唔觉口干。椰菜配上辛辣汤底，爽爽的又索味。其他𩠌料都唔差，鸡蛋蛋黄够溏心；而经炙烧过嘅叉烧则带有独特嘅香气，肉质亦唔嚡🐷。鸡软骨棒($28)，一客有两串，每串真材实料。🐔切碎咗
放假去咗旺角行街同食嘢，原本朝住食雪糕拉面嘅目标出发🍦，去帮衬「一生悬面」，点知我迟咗几日，餐厅已经做完呢个推广喇😭。不过一场嚟到都食个面，支持一下。
拉面店人气高企，同预期中一样要排队先入得，但佢都贴心嘅💕，放咗部风扇散热。店舖面积唔大，有少许逼，不过餐枱就够大张。店员们百忙之中仍能保持友善，抵赞。
餐厅同时提供沾面及拉面🍜，常设汤底有四款，另外仲有期间限定口味，今期系牡蛎沾面。一碗面定价由$69至$85不等(除限定款外)，价钱算大众化👍。
海老沾面
$85
30 浏览
0 赞好
0 留言
海老沾面($85)，沾面汁铺满樱花虾🦐，而沾汁本身亦富有浓浓虾香。我将一束面条放入沾汁后，面条挂满虾汁同微微脆嘅樱花虾，无论味道定口感都好充实。面底分开上，份量激多，我嗌咗热面，所以就唔怕整冻个汁。面条偏粗身，口感弹牙，可拣软硬度，我认为中间啱啱好。
辛辣拉面
$79
30 浏览
0 赞好
0 留言
辛辣拉面($79)，🌶辣辣拉面个样有少少吓人，因为偏红色，但食落又OK啵。最重要嘅系佢嘅辣唔系一层红油或者狂落七味粉，亦冇过咸，饮完唔觉口干。椰菜配上辛辣汤底，爽爽的又索味。其他𩠌料都唔差，鸡蛋蛋黄够溏心；而经炙烧过嘅叉烧则带有独特嘅香气，肉质亦唔嚡🐷。
鸡软骨棒
$28
910 浏览
0 赞好
0 留言
章鱼烧($28)，🐙小丸子个样几靓仔，仲要有成六粒，但可惜嘅系章鱼粒比较少，粉团为主。
饮品方面🥤，我哋要咗绿茶可乐($20)同乌龙茶($15)，定价属合理水平。
总括嚟讲，餐厅专心一致做好面，汤面及沾面同样好味道😋，而且份量足，男仔食都够饱。小店绝对对得住排队嘅客人呢💛！
张贴
