肥仔銘茶餐廳

营业中

休息中

早排喺网上见到有关于沙嗲牛肉面嘅推介，心里面突然间好想食沙嗲公仔面，我冇食牛肉两年（非宗教原因），今日时间安排到，终于扚起心肝去试吓呢间网上热店。 入到去好多特色选择，不过好简单一心决定就系沙嗲牛肉面套餐。 嚟到急不及待就要试吓，沙嗲汤底非常好食（好食到饮咗啲汤），公仔面唔太腍，啱啱好，大满足！心大心细食唔食埋个牛肉试吓，结果都食咗，好嫩滑，亦都入味，好正不枉此行！因为见到好多唔同特色嘅食品，已经谂定下一次再嚟再试过，亦都好食到夜晚即刻推介屋企人下次带埋佢哋过嚟试下