泰式食泰國菜館

营业中

休息中

夜晚七点半去到，店内无乜客，可能因为其他人坐楼上，楼下得我地三个人一枱。首先点左泰式凤爪，份量系菜比较多，占半，有红萝卜片、葱、洋葱丝、生菜，凤爪约有十旧左右，味道偏辣少少，个人喜好偏酸甜。烧牛肉，大推，内里软嫩，红粉色，应该5成熟。点个特色香料酱，系好好味！碟底系见到渗血水，真系好正！点左两个汤，冬阴功同泰式海鲜汤，入边有虾、木耳、蚬....味道酸辣还可以，木耳爽口好味，不过同伴觉得太重口味，唔岩食，食完明显口干。个汤后来饮唔晒。马拉盏炒通菜，OK，正常水准。卖相系唔错。生菜包肉碎，可以拣牛鸡或猪。我地拣左猪，炒得好香香料味。炒金边粉，炒河粉都OK，河粉系大大块个种，食落好烟韧，都唔错，有芥兰，菇，鸡柳。两个炒粉作主食，加两碗细汤，基本上已经饱了。泰式海鲜汤里有青口，鱿鱼，蚬等材料。我地饮汤，无叫到野饮。三个人食完，埋单$571。个烧牛肉系抵试既，其他就普通，无特别惊喜，亦唔难食。不过地点太远，试过两次后，未必会再去。