泰式食泰國菜館

营业中

休息中

冬陰功味道偏酸辣同重口，有少量海鮮好味，但兩老覺得太重口味。馬拉盞炒通菜菜唔係好嫩OK可接受，味道足夠而香。生菜包肉碎可以揀牛雞或豬，咁我哋要原本既炒豬，重香料味而好食，但生菜就唔係洗得太乾淨所以無用生菜食😂。泰式三味鯽魚估唔到三味係甜酸炒炸魚塊，似咕嚕魚🤣 個汁用咗蕃茄同菠蘿所以有酸甜，幾夾但食得多則有少少油膩泰式招牌炒飯係椰汁煮成既海鮮白汁香而帶有少少甜味，而飯底係蛋炒飯底，上面配上肉鬆。整體夾同好食，但個日唔知係唔係個廚師落太重手，個汁好鹹。但如果佢淡返應該仲好食鮮椰青食泰國嘢必飲🤤---## 評分標準食物:3.5/5環境:3.5/5服務:4/5性比價: 👍🏽pp$50-100回購率:👍🏽地址：九龍城城南道11號地舖

很少向香港食到嘅泰北菜，呢間泰國菜係我哋食完再去的一間性價比超高的必食泰北餐廳。侍應有禮親切，環境濶落。上菜時間超快，上到枱嘅都係熱辣辣，有啲食物不是常食到的泰北菜，推介。

今日收工時間有啲夜 同事們又想食少少野飲啤酒 同埋掛住泰國菜 所以落左九龍城今次餐廳位於城南道 十字路口有間大眾銀行隔離就係啦 門面唔吸引 綠色招牌 門面細細 一入到去 有好多泰國姐姐好熱情咁問幾多個人 想坐樓上定樓下 我地就懶得行揀左坐樓下掀左陣餐牌 雖然目的係飲酒 但嘢食都唔可以少同差鮮椰青$35 泰式生蝦刺身$88九龍城比較有名嘅泰國餐廳嘅泰式生蝦刺身都係得生蝦 而佢地心機之處係多左炸蝦頭做伴碟 泰式燒豬頸肉$85份量多 而且每件都好厚身唔係薄切 同好Juicy燒牛仔肉$108拍靚咖哩配青口$98拍靚咖哩比平時嘅咖哩稠身 而且因為加左椰奶同檸檬葉 所以味道會有鹹鹹甜甜 幾開胃 但上到檯就比較水 無認知嘅拍靚咖哩咁稠同埋味道比較淡 但配埋薄餅或者蒜茸包蘸黎食就加分不少啦泰式飛式通菜$60燒魷魚$118沙嗲串燒 $12/1串牛丸 豬肉丸 墨魚丸 雞軟骨 雞腎 雞肉 豬肉 全部各2串 每串都燒得好香 因為有濃濃嘅沙嗲醬係面💛 泰國姐姐熱情嘅服務態度 有質素嘅食物 絕對值得有更多人黎幫襯

夜晚七點半去到，店內無乜客，可能因為其他人坐樓上，樓下得我地三個人一枱。首先點左泰式鳳爪，份量係菜比較多，佔半，有紅蘿蔔片、蔥、洋蔥絲、生菜，鳳爪約有十舊左右，味道偏辣少少，個人喜好偏酸甜。燒牛肉，大推，內裡軟嫩，紅粉色，應該5成熟。點個特色香料醬，係好好味！碟底係見到滲血水，真係好正！點左兩個湯，冬陰功同泰式海鮮湯，入邊有蝦、木耳、蜆....味道酸辣還可以，木耳爽口好味，不過同伴覺得太重口味，唔岩食，食完明顯口乾。個湯後來飲唔曬。馬拉盞炒通菜，OK，正常水準。賣相係唔錯。生菜包肉碎，可以揀牛雞或豬。我地揀左豬，炒得好香香料味。炒金邊粉，炒河粉都OK，河粉係大大塊個種，食落好煙韌，都唔錯，有芥蘭，菇，雞柳。兩個炒粉作主食，加兩碗細湯，基本上已經飽了。泰式海鮮湯裡有青口，魷魚，蜆等材料。我地飲湯，無叫到野飲。三個人食完，埋單$571。個燒牛肉係抵試既，其他就普通，無特別驚喜，亦唔難食。不過地點太遠，試過兩次後，未必會再去。

去開九龍城想去食泰國嘢，條街太多泰國嘢食真係眼花撩亂最後揀咗e間食下入到去細細地都有啲人ge！入到去都係傳統泰國裝修，好多佛像，電視重播緊泰國電視添！見到有個套餐好似幾多，2個人食岩岩好😬有咖嘢蟹，一碟菜，炸蝦餅，仲加咗生蝦e 個價錢有e d嘢食好ok了，咖喱蟹好好味又多肉！生蝦都好好食尤其是炸咗嗰個蝦頭！$298算係咁啦！店員都好有禮貌，慢慢食下好好平平地食下泰國嘢e間真係唔錯嫁！支持小店下次一定再去過食

九龍城不嬲多泰菜，今次搵左間價錢相宜嘅。本身睇openrice啲相都覺得賣相幾靚。今晚叫左幾個餸同嘢飲1. 沙律 - 整體唔錯，比較辣2. 炒通菜 - 菜唔算嫩，但味道夠晒3. 蝦餅 - 好食，夠彈牙，夠蝦香味4. 咖哩炒蜆 - 咖哩煮得好好食5. 蒜蓉包 - 加埋咖哩一流6. 椰汁冰 - 正常發揮3個人晚餐都係110/人左右，cp值幾高！雖然未算係最好食嘅泰菜，但勝在坐得舒服，唔會太多人同迫，食完仲吹左陣水先走裝修就一定唔夠大餐廳咁grand, 但勝在乾淨企理。支持小店！

原本都冇諗住要寫食評 所以全部相都已經食左第一個上既冬陰公已經覺得怪怪地 但都算還可以炒咖哩好大陣椰味 都還好炒肉碎都ok通菜稍嫌清淡但！！泰奶先係重點！未見過泰奶係好立克咁既色！味都係得甜味。。。仲衰過沖濟

舖面裝修走平民化路線，不過枱子夠大，相比附近一些窄長的泰菜館舒服得多。有套餐可選，而非混淆視線是真心實惠，像今次點了其中一個套餐包含 咖喱蟹一隻、炸蝦餅8件、蒜椒炒通菜，也只盛惠二百六十多元。咖喱蟹下了比別家更多的蛋，蟹也不小，蔥夠多，且肉質也堅實新鮮，吃生菜包時也勺了這些芡汁去包著吃，整個芡汁三扒兩撥吃到照鏡子；蝦餅炸得夠脆不膩，炒通菜咸淡亦適中。另叫了雞牛豬雞腎各二，每串$12，即燒，不過燶，就是雞腎燒得比夠硬，串燒醬汁不夠濃稠。

今日OT收得夜同同事落九龍城食泰菜宵夜呢間之前幫襯開，貪佢收得野幾點嚟都仲有嘢食😁不過記得佢之前個招牌係黃色嘅，唔知幾時轉左手，而家變咗綠色招牌名都唔同左🧐前菜叫咗碟炸蝦餅，雞肉串燒，墨魚丸同燒魷魚炸蝦餅好好食，但一望就知啲串燒唔燒嘅而係炸嘅😵唔知係咪燒爐壞咗，要用炸爐頂住先😂泰式乾炒豬肉河粉食過咁多間，第一次見泰式炒河粉落雲耳😂同埋啲豬肉似係用中式酒醃過味道唔係咁夾芋頭海鮮焗飯唔知係咪換咗香港人師傅個飯食落去似中式炒飯多啲唔講的話可能會以為係食緊茶餐廳炒飯😂轉左手之後師傅手勢麻麻🤷🏻‍♀️都係鍾意以前啲嘢食多啲又係時候轉場試吓下一間泰菜了😌

去個日間店無咩客人，幾冷清。我地一行四人叫左檸檬燒牛肉，冬陰功，蝦醬炒飯，蒜蓉包兩客，燒烤魚，通菜同炸皮蛋（菜單無，但可以show相俾阿姐睇）。分量幾多，重點真系好高質，強烈推薦檸檬燒牛肉，真系好有牛味。通菜清脆微辣好多蝦米。蝦醬炒飯最出色既吾系炒飯，系隔離既臘腸。冬陰功濃濃既泰國香料味，好正，好多只大頭蝦頭。燒烤魚我麻麻地，肉質唔鐘意，不過只醬好食。蒜蓉包新鮮出爐無得輸。炸皮蛋幾特別，出面個層系蝦餅之類既野，但我嫌皮蛋唔夠味。間鋪頭既店員都系講泰文，怪唔得甘正宗。價錢唔貴，好抵食，我地每人除開先百二左右。希望佢生意好d，撐得耐d啦

生蝦刺身連炸蝦頭，一餸兩食非常抵。串燒12蚊一串，沙爹醬非常香口，貨真價實。地方鬆動，朋友聚會一流，唔使等，永遠有位，被遺忘的隱世食店。已經多次回頭，實屬難能可貴。老闆娘非常好客友善。

以前常在龍崗道的金蘭花食泰菜,但自從易手以後,味道已不一樣,最近得知金蘭花的大廚自立門户,開了泰式食,立刻去試試.冬陰功仍是從酸與辣中渗出蝦的鮮味,帶著碳燒香的牛柳,對著香濃的咖喱蟹,不行不追加白飯和薄餅,還有那明爐魚,蝦膠皮旦,粒粒會彈跳似的炒飯...那回憶,那味道都回來了！

知道九龍城金蘭花的大廚出來自己開了店，現在港九共有三間金蘭花泰菜，歷史最久的是九龍城的一間，泰式食的老闆就是老店工作了23年的大廚。食了多次，很有水準，現在他再加了自己的菜式，選擇更多，價錢也公道。每次都急不及待把食物消滅，忘記拍照，下次一定記得😅

零晨12點幾1點，突然好想食泰國菜，咁夜去邊度搵好？ 九龍城出名多泰國菜館，決定去碰下運氣平時買開嘅泰菜都收曬工，成條街得返兩間泰菜館仲開緊，誤打誤撞走咗入嚟泰式食叫外賣。問阿姐邊款燒牛肉好味啲，阿姐推介檸檬燒牛肉。果然無推介錯！真心講 超級正！牛肉熟度啱啱好，肉汁鎖曬響入面好JUICY個汁好香有驚喜~！串燒都好正～泰式炒河都非常好味～ 而且係正宗泰國食倒嘅風味總括來講～ 全部嘢食都好正～下次要試下其他嘢

嗯，，，一到半夜又餓了。。我同我男友落街搵野好既時候。。行左成大半個九龍城，，是但入左間叫泰式食既餐廳食泰國野，，起初見到門面吾想入去，，不過真的餓了，諗住死就死喇，，第1樣 叫燒牛肉，，第2樣 叫泰式炒通菜。。第3樣 泰式生蝦。第4樣 泰式黃咖哩（牛）第5樣 海鮮炒粉絲第6樣 薄餅我叫象啤自己飲而男友就飲同椰青同椰汁冰。其實已經好滿足好飽 好好食。。但太好食關係打包左個泰式金邊粉聽日返工可以叮黎食。。。。。最後埋單509蚊.....平靚正就系甘簡單