Gyutan Toku牛舌專門店

营业中

休息中

有个好朋友住天光道附近，今晚约左佢食饭，佢第一句问我钟唔钟意食牛舌。佢话屋企附近有间正嘢叫我一定要去试下。讲真特登食又唔会，但平时烧肉时，有牛舌，我都会食下既。见佢咁推介，咁就去试下啦。原来呢一间系专门食牛舌嘅日式餐厅。装修充满日式风情，好有日式居酒屋感觉。睇到餐牌，牛舌有分极上和薄烧，朋友推介我要极上，𠮶块牛舌会厚好多口感好好多。呢个极上牛舌简直颠覆左我对牛舌的印象。因为无谂过厚烧牛舌系可以唔韧，而且软熟同多汁。只系用少少wasabi点系上面，立即带出浓浓的牛舌香味。我绝对会因为呢个味道而爱上牛舌。另外我哋Share咗猪肉生姜烧定食，猪肉片浓味好送饭，绝对唔系味精死咸。系啱啱好顺喉，而且猪肉片挂汁程度啱啱好，而且洋葱萝卜配料好吸味好腍。见到有热气既小食理智就消失了。叫咗吉列蚝同明太子鸡翼。每只吉列蚝都啖啖肉，热辣辣食好正。而且一啲热唔油腻。明太子鸡翼胀卜卜，好重明太子味道，香脆可口。定食份量好多，有前菜，蒸蛋，面豉汤和白饭。有机会一定要再黎试埋薄烧牛舌先。